Apr 23, 2015

සයිබර් සිහින බක්මහ උළෙල 2015 - නොකී කතා


ගියවර සයිබර් සිහින බක්මහ උළෙල සමාප්තවී කුණු බැනුම් අසන්නට සතියක් පුරාම සිදුවූ යම් දෙයක් ඇත. එයනම් සයිබර් සිහින බක්මහ උළෙලේ නොකී කතා ලිපියයි. එය වනාහි ඉල්ලාගෙන කෑමක් ලෙස යථෝක්ත සත්‍ය ලෙසම ඉදිරිපත්කල හැක. නමුත් ඒ කෑම නිසාවෙන් පශ්චාත් සයිබර් සිහින බක්මහ උළෙල සමය ඉතා විවෘත මෙන්ම රසවත් කාලපරිච්ඡේදයක් වූයේ අදාල ලිපිය තුල පලවූ ජවනිකා සොයා යාමට ගත් උත්සහය නිසාවෙනි. කෙසේ වෙතත් මෙවරද නොකී කතා නොකියාම සිටියහොත් පලක් නොවන නිසාවෙනි.

   නමුත් හැමදේටම පෙරාතුව 2015 සයිබර් සිහින බක්මහ උළෙල පිළිබඳ කතා කිරීමේදී බොහෝ දෙනෙක් පැවසූ පරිදිම සාර්ථකව සහ දැඩි කැපවීමකින් එය අවසන් කල හැකිවූ බව පැවසිය යුතුමය. එය නන් අයුරින් සහය දුන් සංවිධායක කමිටුව ඇතුලු පිරිසට ස්තූතිවන්ත විය යුතුය. මන්ද 5 වැනි සංවත්සරික සයිබර් සිහින බක්මහ උළෙල ලෙහෙසියෙන් පැත්තකට දැමිය හැකි ඉසව්වක් නොවූ බැවින්ය. 

   දැන් නොකී කතා කිව යුතු වේලාවයි. මෙහි එන සිදුවීම් සත්‍ය සිදුවීම් වන අතර හෘදයාබාධ, උදරාබාධ, ක්ෂණික කෝපය වැන භයානක රෝගාබාධ ඇති පාඨකයන් මෙය කියවීමෙන් වලකින ලෙස ඉල්ලා සිටිමි.

Apr 15, 2015

මහින්ද රාජපක්ෂ භීතිකාවක් ද, මේනියාවක්ද නැතිනම් වෛරසයක්ද?


පර්සි මහේන්ද්‍ර රාජපක්ෂ හෙවත් මහින්ද රාජපක්ෂ යනු කවරෙක්ද? මහින්දවාදීන්ට නම් හෙතෙම “ජාතියේ ගැලවුම්කාරයාය“. මහින්ද විරෝධීන්ට නම් හෙතෙම “ඒකාධිපතියෙක්ය“. එහෙත් මෙම ගැලවුම්කාරයා සහ ඒකාධිපතියා යන අන්ත දෙක මැද තවත් නිශ්චිත මෙන්ම අවිනිශ්චිත නිර්නායකයන් ගණනාවක්ම පවතින බවද සඳහන් කල යුතුය. කෙසේ වෙතත් මහින්ද රාජපක්ෂ යනු ආසන්නම සහ සරලම නිර්වචනය ඔහු ශ්‍රී ලංකා ප්‍රජාතාන්ත්‍රික සමාජවාදී ජනරජයේ හිටපු ජනාධිපතිවරයා යන්නයි. ජනපති මහින්ද සිට හිටපු ජනපති මහින්ද දක්වා තල්ලුවෙන වසර 9 ක කාල පරිච්ඡේදය තුල තීරණාත්මක අවසන් වසර දෙක තුල එයට විශාල වශයෙන් දායකත්වය ලැබුණු සමයක් බව සිහිපත් කල යුතුය.