මං හිතන්නේ පහුගිය මාස 6ටම මම මගේ යූ ටියුබ් චැනල් එකට එකම වීඩියෝ එකක්වත් දාන්න වුණේ නෑ. ඒ ජීවිතේ මට මුහුණදෙන්න සිදුවෙච්ච බොහොමයක් දේවල් නිසා. හරියටම පහුගිය අවුරුද්දක් වගේ කාලයක් කියන්නේ මගේ ජීවිතය සම්පූර්ණයෙන්ම වෙනස් කරපු කාලයක්. ඒ කාලේ ගතවුණේ මාව සහ මගේ ඉරණම සම්පූර්ණයෙන්ම වෙනස් කරමින්. මට හිතුනා එක පැත්තකින් මම මේ කොටුවෙලා ඉන්න තැනින් අඩියක් එළියට තියලා ආයෙත් චැනල් එක පටන්ගන්නත් එක්ක වීඩියෝ එකක් දාන්න, ඒක එක පැත්තකින් පාපොච්චාරණයක්, නැත්නම් ආත්ම කථනයක්. ඒ වගේම මට හා සමාන සිදුවීම්වලට මුහුණ දෙන ඕන කෙනෙක්ට පුංචි හරි උදව්වක් වේවි ඒකෙන් ගොඩ එන්න.
