2011 වර්ෂය අවසන් වෙලා දැන් 2012 නව වසරට පියවර තබමින් ඉන්න මොහොතකයි අපි ඉන්නේ. දැන් සිටම ඔබගේ දුරකතනයට, විද්‍යුත් තැපැල් ලිපිනයට, මුහුණු පොතේ තැපැල් පෙට්ටියට මිටිගණන් සුබ පැතුම් පැමිණ විවිධ වැකි වලින් ඔබව ආමන්ත්‍රණය කරනවා ඇති. ඒ අතරින් ඔබ කීයක් කියවනවාද, කීයකට පිළිතුරු සපයනවාද සහ කීයක් පිළිපදිනවාද යන්න ඔබම සිතා අවබෝධකරගත යුත්තක්.
මායාවරුන්ගේ පුරාතන දින දර්ශනය 2012 වර්ෂයේ අගභාගයත් සමග අවසන් වීමත් එක්ක ලෝකවාසි ජනතාව අතර මතයක් ගොඩනැගුණා ඔවුන් එයින් පුරෝකථනය කර තිබුණේ ලෝකයේ අවසානය එම වර්ෂයෙන් සිදුවන බව. නමුත් විවිධ තර්ක ප්‍රතිතර්ක අතරේ තවමත් නොඑළඹුනු 2012 වර්ෂය දෙස නෙත් අයාන බලා සිටිනවා. ලෝකය විනාශ වීම එක්වර සිදු නොවන්නක් බවත් එය ක්‍රමක්‍රමයෙන් ජනතා ක්‍රියාකලාප, හැසිරීම් හා තවත් සාධක ගණනාවක් අනුව සිදුවන්නක් බව සිතාගත යුතුය. එබැවින් 2012 පිළිබඳ ඒ අදහසින් නොබලනවානම් වඩාත් හොඳය.
