සුභ උපන්දිනයක්...ජනාධිපතිතුමනි!

විවිධ කාලයට විවිධ නායකයන් බිහිවෙති.විවිධ නායකයන් නැතිවෙති. නමුත් ඉතිහාසයට නම් තැබූ ඉතිහාසය වෙනස්කල නායකයන් අල්පය. ඒ අතරින් ඉතිහාසයේ රටවෙනුවෙන් අතිමහත් සේවයක් කර නරේන්ද්‍රයන්ට ලැබෙන්නේ ප්‍රමුඛ ස්ථානයකි. පර්සි මහේන්ද්‍ර රාජපක්ෂ නොහොත් මහින්ද රාජපක්ෂ නැමති මැදමුලනෙන් ඉපිද,බෙලිඅත්තෙන් දේශපාලනය ජනමලාභය දුන් මහින්ද රාජපක්ෂ මැතිඳුන් රටේ නායකත්වයට පත්වීමෙන් අනතුරුව රට වෙනස්ම මගකට යොමුකරමින් ශ්‍රී ලාංකේය අභිමානයට නව පණක් දුන්හ. එහෙයින් ජනපතිතුමන්,ආරක්ෂක ලේකම්තුමන්, ත්‍රිවිධ හමුදාපතිවරුන්, මහජන නියෝජිතයන් ඇතුලු පොදු මහජනතාවගේ සියල්ලන්ගේම සමූහ ප්‍රයත්නයක් ලෙස රට ඝාතකයාගෙන් බේරාගත්හ. එයට තවමත් අප ණයගැති වෙමු. කොතරම් විවේචන පැවතුනත් හදවතට එකඟව එම කටුක සත්‍ය අප පිලිගත යුතුය.

අතීතයේ නායකයන් බිහිවී ත්‍රස්තවාදයේම පියවරක් ලෙසින් නැතිවී ගිය කලෙක දතට දත,නියට නිය, ලෙයට ලෙය න්‍යායෙන් රට බේරාගත හැකිය යන ආකල්පය ජනතාව අතරට ගෙනයාමට ජාතිකවාදී ව්‍යාපාරවල දායකත්වය ලබාගෙන ජනතාවට ඉහල ආකල්පමය සවියක් ලබාදෙමින් අවසානයේ රට ගලවාගත්හ. හොඳ දෙයට හොඳ ප්‍රතිඵල ලැබෙන්නාක් මෙන්ම නැවතත් ජනවරම ලබාගෙන තවමත් සිරිලක් පොලවේ ජනපතිඳුන් ලෙසින් ඔහු සිටී.

කොතරම් වැරදි තිබුණත්, කොතරම් හොඳ දේ කලත් විවේචනය කරන සමාජ වටපිටාවක අපි එතුමන්ගේ වැරදි දෙයට සෘජුවම විරුද්ධ වෙමු, හොඳ දෙයට හදවතින් එකඟවෙමු. එබැවින් එතුමන්ට අදටත් වඩා හොඳ දේ කරන්නට ප්‍රඥාව පහලවේවා, එසේම වැරදි දේ නොකරන්නට සත්‍ය සිතුවිලි පහලවේවා යයි අපේ පැතුමයි. 

මෙහිදී ප්‍රංශ ජාතික විද්වත් සාහිත්‍යවේදියෙක් කල කතාවක කොටසක් සිහිපත් කල යුතුය “ඔබගේ දේශයට සිටින නරේන්ද්‍රයා සැමවිටම නිවැරදි නොවේ, නමුත් ඔහු සැමවිටම වැරිදද නොවේ.එවැනි නරේන්ද්‍රයන් නිවැරදි කිරීම ඔහුට ශක්තිය දුන් දෑත්වල හා සිත්වල යුතුකමකි. එසේ නොකර කඩු, කිනිසි ඔසවා අවසන කොතරම් අත්පොලසන් දී කෑ ගොස්සන් දුන්නත් අවසන එම ජනතාවටම දැකිය හැකිවන්නේ නරේන්ද්‍රයාද පරාජය කර තමන්ද පරාජය වී ඇති බව පමණි. එබැවින් එක් නරේන්ද්‍රයෙක් රැකීම තවත් නරේන්ද්‍රයන් දහසක් බිහි කරනවාට වඩා උතුම්ය“

ඔබට සුභ උපන්දිනයක් ගරු ජනාධිපතිතුමණි!