Dec 11, 2010

සසුන පුදසුන මත දැල්වූ පහන් ටැඹ......

වැලිවිට සරණංකර සංඝරාජ හිමියන්..වාරියපොල සුමංගල හිමියන්..මිගෙට්ටුවත්තේ ගුණානන්ද හිමියන්..කුඩාපොල හිමියන්..කිතලගම සීලාලංකාර හිමියන්(දිඹුලාගල හාමුදුරැවෝ) යනු අපේ ර​ටේ ජාතික ආගමික ​පිබිදුමට අනූපමේය දායකත්වයක් ලබාදුන් යතිවරයාණන් වහන්සේලාය..සැබවින්ම උන්වහන්සේලා ගණින්නාන්සේලා අතර සැබෑ බොදු ස්වාමීන්වහන්සේලා විය. මීට සය වසරකට පෙර හදිස්සියේ අපේ රට ජාතියෙන් උදුරාගනු ලැබූ පූජය ගංගොඩවිල සෝම හිමියන් නොහොත් අපේ සරල වදනින් ​සෝම හාමුදුරැවෝද අයත්වන්නේ පෙරකී යතිවරයාණන් වහන්සේලා අතලොස්ස අතරටමය

දෙසැම්බර් 12 වැනිදා සිහිවන විට අපට උන්වහන්සේගේ නික්මයාම නිතැතින්ම සිහියට නැගේ. මීට සයවසකට පෙර මුලු රටක් ශෝකයෙන් හොවා( මූලධර්මවාදී පාපිෂ්ටයන් අතලොස්සක් හැරෙන්නට) උන්වහන්සේ අප අතරින් සදහටම වෙන්විය. සෝම හිමියන් ජාතිය ආගම නැගුමට කල මෙහෙවර සිරිලක් වැසියන් ඉතා හොදින්ම දන්නා බව නොරහසකි. අදුරෙන් එළියට බොදු ජනයා ගෙන ඒමට උන්වහන්සේ අපමණ වෙහෙසක් ගත්හ.

දේව සංකල්පයන් දැඩිලෙස විවේචනයට ලක්කල උන්වහන්සේ ඉතා සෘජු ලෙසම ඒවාට පහර පිට පහර දුන්හ. බොදු බැතිය යන්නෙන් අන්ධානුකරණය යන සංකල්පය ඉවත් කිරීම හා විවිධ මිථ්‍යාදෘශ්ටික ඇදහීම් වලට යොමූවී සිටි නොදැනුවත් බොදු ජනතාව ඉන් ගලවා ගැනීමට උන්වහන්සේ රටපුරා ධර්මය රැගෙන යමින් නූතනයේ ධම්මපාලතුමාගේ කර්තව්‍යය සිදුකලහ.

නිරතුරැවම මාධ්‍ය මගින් මෙන්ම පුවත්පත් සහ කාලීන ධර්ම සාකච්ඡා පවත්වමින් ආගමික හා ජාතික උන්නතියට අපමණ මෙහෙයක් උන්වහන්සේ සිදුකලහ. ජනවිජය පදනම මගින් නොයෙක් ආකාරයේ ධර්ම කර්තව්‍යයන් සිදුකල අතරම අන්‍යාගමිකරණයට දැඩිලෙස විරැද්ධ පිළිවෙතක් දැරෑ සෝම හිමියන් එයට එරෙහිව සෘජුව නැගී සිටියහ. අවසානයේ උන්වහන්සේගේ මරණයටද එයම හේතුවක් වූ බව රහසක් නොවේ.

බොදුජනතාවට හා රටට දැයට හිතැති ජනතාවට උන්වහන්සේ පරමාදර්ශී වීර හිමිනමක් වූවත් මූලධර්මවාදී පාපිෂ්ටයන්ට නම් උන්වහන්සේ වහකදුරැ මෙන් විය. උන් වහන්සේගේ තිර අධිෂ්ඨානය වූයේ කෙදිනක හෝ මේ ගෝතම බුද්ධ රාජ්‍යයේ දහම් පහන් දල්වමින් එය ලොව පරමාදර්ශී බොදු රාජ්‍යයක් බවට පත්කිරීමයි. රටේ ජනතාව ඒ සදහා සෝම හිමියන් වටා එක්රොක්වුණි. නමුත් ​වෛරී බලවේග ඒ සදහා ඉඩ ලබා නොදුන්හ. රහසේ සිදුකෙරැණු සිදුවීම් මාලාවක ඵලයක් ලෙසින් උන් වහන්සේ අපට අහිමි විය.

ලක් මාතාවට එඩිතර පුතෙක් නැතිවිය..ලෝකයට පරමාදර්ශී බොදු හඩක් නැතිවිය..අදුරෙන් එළියට එන්නට පාර කියන දහම් පොතක් අහිමි විය..බොදු සසුන් පුදසුන මත දැල්වුණු දහම් පහන් ටැඹ නිවී ගියහ...

මේ සෝම හිමි සැමරැම් මාසයයි..උන්වහන්සේ අපට පැව​සූයේ ලොව්තුරැ බුදුහිමියන්ගේ ධර්මස්කන්ධයයි..එමග යමින් පිළිවතින් බොදු සිත දියුණු කරමින් පවිටු අදුරැ සෙවනැලි වනසාලමින් සෝම හිමියන් පැතූ බොදු රාජ්‍යය ගොඩනැගීමට පිළිවෙතින් සැරසෙමු...

දැයම පුබුදුවාලූ ඒ නිමල ස්වරය...අතිපූජ්‍ය ගංගොඩවිල සෝම හිමියන්ට නිර්වාණ සුවය සාක්ෂාත් කරගැනීමට ලැබේවා යන්න අපේ ඉසව්වේ පැතුමයි....!!!!


ධනුෂ්ක කාලිංග මඩවල ලියනගේ








Dec 5, 2010

Free Tamil Eelam In Sri Lanka.....සිරිලක්වාසීනි ඉඩදෙනවාද?

පසුගියදා හීතෲ ගුවන් තොටුපළ අසල විරෝධතා දැක්වූ ඩයස්පෝරාවේ කාඩරයෙකුගේ වස්තරයේ පිටුපස දැක්වුනේ ​නිදහස් දෙමළ ඊලමක් ලං​ක​ාව් ලෙසයි. එසේනම් තවමත් මේ බෙදුම්වාදයේ ගිනිකෙළි අවසන් වී නැත. ලංකාවේ සිට න​ටාගනු බැරිවූ කල ජ්‍යාත්‍යන්තරය හමුවේ දැන් ඊළම යදින්නට යන බව පැහැදිලිය. ඉතිහාසයේ ​නොතිබූ සහ අනාගතයේ නොතිබෙන රාජ්‍යයක් පිළිබද සිහින මැවීම තවමත් අවසන් කර නොමැති බවට පැහැදිලි සාක්ෂි මෙයින් මතුවේ.
වේලුපිල්ලේ පිරබහරන​ගේ ඝාතනයත් සමගින් ලක්බිමෙන් අතුගෑවිගිය බෙදුම්වාදයේ අංකුර ජාත්‍යන්තරයේ තවමත් පැලවෙන්නට බලා සිටීම එක් අතකින් දැඩි අවදානම් තත්වයකි. අවියෙන් බැරිවූ තැන අනව්‍ශ්‍ය ජාත්‍යන්තර අතපෙවීමක් මගින් දෙමළ ඊළම දිනාගැනීමට අරඅදින බව සක්සුදක් සේ පැහැදිලිය. මරණයට මරණය නොවැටී දිනාගත් මව්බිම නැවතත් දෙකඩ කිරීමට ඉඩදීම කෙසේවත් කල නොහැකි දෙයකි.

අවිබලය පැරදවූ පමණින් කොටි අවසන් වූවායයි උපකල්පනය කොතරම් සාවද්‍යදැයි ලෝකය පුරා කොටි ක්රියාකාරකම්වලින් දැක ගත හැකි. අප අමතක නොකලයුතු කරැන නම් කොසෝවෝ රාජ්‍යය බිහිකලේ අවියෙන් නොවන බවයි. ජාත්‍යන්තරයේ කුමන බලපෑම පැමිණියත් බටහිර රටවල් වල අන්තගාමී හස්තයන් එක්වී ඊනියා ගිවිසුමක් මගින් කොසෝවෝ නැමති අවජාතක රාජ්‍යය බිහිකලා සේම ලංකාවේ ඊලමක් හෙට බිහිනොකරයි යන්න කාට උපකල්පනය කල හැකිද. අවිනොමැතිව කොසෝවෝ බිහි කල පරිද්දෙන්ම ඊලමක්ද බිහිකල හැකි බව අමතක නොකල යුතුය.

මේ සදහා ජාත්‍යයන්තරය දැනටමත් පිඹුරැපත් සකසා අවසන්ය. අවශ්‍යව ඇත්තේ පෙරදිගින් ඒ පදයට නටන්නාවූ රෑකඩ එහෙත් බලයක් ඇති චරිත කීපයක් සොයාගැනීම පමණි. අවියෙන් පැරදවූ කොටි හෙට ජාත්‍යන්තරය විසින් සකසන ලද විධිමත් ලියවිල්ලක් මගින් කොසෝවෝ වෙන්කල පරිද්දෙන් ඊළමද වෙන්කරගත් දිනක සිදුවන්නේ ඇස්සට දත නියවීම පමණි.

මෙහිලා විදේශවල වෙසෙන ලාංකිකයන්ට සුවිසල් කාර්යභාරයක් තිබේ. ජාත්‍යන්තරව කොටි කර්තව්‍යයන් පිළිබද තොරතුරැ අප රටට ලැබෙනවා බොහෝම අල්පය. මන්ද ජාත්‍යන්තර රහස් සංවිධාන රැසක් ​කොටින් නිසා පෝෂණය වන බැවිනි. එබැවින් විදෙස්ගතව සිටින ලාංකිකයන්ට ඒ තොරතුරැ සමිපාදනය වෙනුවෙන් විසල් කාර්යය කොටසක් රට වෙනුවෙන් ඉටුකිරීමට තිබේ.
අනා​ගතයේ මේ පුංචි දිවයින කැඩී විසිරි යාම වැළැක්වීමට වර්තමානයේ අපෙන් සිදුවිය යුතු හැමදෙයම කිරීම අපසතු යුතුකමකි. අනෙකාට ඇගිල්ල දිගුනොකර තම තම කොටස හැකි පමණින් ඉටු කලහොත් මහා විනාශයක් නතර කරගත් හැක. නියපොත්තෙන් කඩන්න හැකි දෙය පොරවෙනුත් බැරි තත්වයකට ඇද නොදා විසෙන් විස නැසීම කල යුතුය. ජාත්‍යන්තර අතපෙවීමකට මේ රට පත්වුවහොත් සහය දෙන්නට කිසිදිනකට බටහිර රටවල් ඉදිරිපත් නොවිම සාමාන්‍ය දෙයකි.

එබැවින් අවදානයෙන් සිටිය යුතුය. පෑනෙන් කල හැකි දෙය..සයිබර් අවකාශයේ අපි කරන්නෙමු. සිරිලක් කොඩි​ය යටතේ ඒකීය රටක් ලෙසින් මෙය අනාගතයට පිරිනමන්නට නම් අප සතුව ඇති යුතුකම් කොටස නොපිරිහෙලා ඉටුකල යුතුය. අවස්ථාවාදීත්වය පිටුදැක ජාතිකත්වය වැඩිදියුණු කරගත් යුතුය. එවිට අවියෙන් දිනු බිම හදවතිනුත් දිනාගත හැකිවනු ඇත.

Dec 4, 2010

අශෝක මාමා ගෙන පොඩිවුන්ට විදූ...ඉගන්ගන්න දෙයක්..


අශෝක හදගම යනු සිරිලංකාවේ සිනමා නිර්මාණකරැවෙකි. විවිධ මට්ටමේ රසාස්වාදය ඇත්තන්ට වෙනස් අන්දමේ දෙයක් දෙන්නට ගොස් රටේ නැති කතා අහගත් පොරකි. අශෝක මාමාගේ අලුත්ම නිර්මාණය විදූ ය. ගොඩක් දෙනෙක් නම් කියන්නේ ඔහු මින් පෙර ළමයින් ට වැඩිහිටි චිත්තරපටි හැදූ බවත් දැන් ඔහු එය කණපිට පෙරලා වැඩිහිටියන්ට ළමා චිත්තරපටි හදන බවය. කෙසේහෝ වේවා විදූ යන බයිස්කෝපය තවත් අක්ෂරයක් වෙයිද යන්න සැකසහිත නැත.

අශෝක මාමගේ අක්ෂරය කියවීමටත් පෙරම තහනම් විය. අ යන්නෙන් පටන් ගන්නා අක්ෂරය කියවන්නට නොදුන්නේ එහි අන්තර්ගතයෙන් අප සමාජයට ගතහැක්කක් නැති නිසාමදෝ එහෙමත් නැත්නම් සරැවපිත්තල සමාජයේ මුලුගැන්වුනු සමාජ යථාර්තයක් හෙළිදරව් කිරීමට ගත් උත්සහයක් නිසාද යන්න අපැහැදිලිය. දැන් අක්ෂරය තහනම් ය විදූ කලඑළියේය.

විදූ දෙස බලද්දී අපට හැගීයන කරැණ නම් දැන් දැන් අනෙක් සිනමාකරැවන්​ මෙන්ම අශෝක මාමාද විදග්ධ සිනමා කලාවේ සිට ජනප්පිරිය සිනමා කලාවට ආගමනය වීමේ සමයේ රැදී සිටින බවයි. එය වැරදියයි අපි කියන්නට උත්සහ නොගන්නෙමු. ජනප්පිරිය සිනමා කලාව බඩගැන මිස ඔලුව ගැන නොහිතයි යන්න අපට සීයට සීයක් සහතික කල නොහැකි බැවිනි. ඒත් වත්මන් සමාජයට වැඩදායී නිර්මාණයක් කිරීමෙන් ලැබෙන තෘප්තිය ඔහු විදීදැයි අපි නොදන්නෙමු.

කෙසේ වෙතත් විදූ ගැන ඉදිරියට දැනගත හැකිවේය. එය පරණ අශෝක මාමාම නැවත පොලිෂ් කරන්නක් ද නැත්නම් අලුත් කෙනෙකු බිහි කරන්නනෙක්ද යන්න තීරණය කල හැක. ඒත ඔහු ඉදිරිපත් කරන සමාජ සංසිද්ධීන පෙරදිග සමාජයට ගැලපීමට මදක් අපහසුය. අන්න ඒ හේතුවෙන් අශෝක මාමාගේ නිර්මාණ රිජෙක්ට් වීම වැලැක්වීම කල හැක්කේද ඔහුට පමණි.

Dec 3, 2010

දමිළ ඩයස්පෝරාවේ උඩුබිරැම පිටුපස ජයලත් සැබවින්ම සිටියාද....?

ඊයේ දිනයේ පාර්ලිමේන්තුවේදි දිනේෂ ගුණවර්ධන මහතාගේ කතාවත් සමගින් රටපුරා ඇවිලි ගිය පුවත වූයේ දෙමළ ඩයස්පෝරාව ලන්ඩනයේදී ජනපතිතුමන්ගේ පැමිණීමට විරෝධය දක්වන විට හා ඒ සිදුවීම් දාමය පිටුපස එජාප පාර්ලිමේන්තු නියෝජිත දොස්තර ජයලත් ජයවර්ධන සිටයා යන්නයි. ඒ පිළිබදව තවමත් එකින් එක පරස්පර විරෝධී අදහස් මතුවෙමින් තිබේ. එසේ සිටියානම් එය සමාව දිය නොහැකි තරමේ වරදකි. එය දේශයට විනකරන කරතව්‍යයකි. ඒ සදහා දිය යුතු දඩුවම එදා පවන ගීත තැටියේ නන්දා මාලනී කියූ ලෙසම රට පාවා දෙනඋන්ගේ මුහුණට කෙළගැසිය යුතුය යන්න සිදුකල යුතුමය.

එහෙත් තවමත් එය ඔප්පු වී නොමැති හෙයින් ​එවන් වූ දැඩිදඩුවම් වලට අවතීර්ණ වීමට කල් වැඩිය. ජයලත් ජයවර්ධන මහතා යනු පසුගිය යුද සමයේද මෙවැනි චෝදනා වලට කීප අවස්ථාවකදිම ලක් වූ පුද්ගලයෙකි. කලක් කොටි දොස්තරයයි නමක්ද පටබැද තිබුණේ කොටි පුල්ලි පිටේ මතුවීමේ සැකයකටදැයි අපට එකල හැගුනේය. උතුරේ සංවර්ධන කටයුතු කියා හැමදාම එහි ගොස් කොටින් අතරින් මතුවීම එකල දැඩි මතභේදයකට තුඩු දුන් සිදූවීමක්ද විය.

කෙසේ වෙතත් දැන් තත්වය අනුව නැවතත් දොස්තර මහතාට එරෙහිම උත්තරිතර සභාගැබේදීම යථෝක්ත චෝදනාවම එල්ලවී ඇත. ඔහුටම මේ චෝදනාව එල්ල වන්නේ ගින්නක් නැතිව දුමක් නැගිය නොහැකි බවට සාධක සැපයීමක් ලෙසින්දෝ දැන් දැන් අපටද හැගී යයි. පසුගිය යුද සමයේදී රටම කොටින්ට විරැද්ධව කට​ ​හොලවද්දී මෙතුමන්ගේ කට වැසී තිබුනේ දන්ත රෝගයක් හේතුවෙන් වෙන්නට ඇතැයි අප උපකල්පනය කරමු.
ජයලත් ජයවර්ධන මහතා පසෙකින් තැබු පසු ජනපති සංචාරයට දින කිපයකට පෙර බිරිතානියේ සිට ඩයස්පෝරාව මෙහෙයවූ සම්මේලනයට සහභාගී වී කලු පැහැති වස්තරයකින් සැරසී සිරිලංකාව නිරැවත්කල විකාරබාහු කරැණාරත්න පිලිගත යුත්තේ කෙසේද යන්න අපට ගැටලුවක් ඇත. පිරබාහරන් නැමති අලුගෝසුවා සමග නාන තටාකයේ ජලකරනම් ගැසූ බවටද චෝදනා ලැබ සිටින ඔහු පිළීගැනීමට රටට හිතැති ඔබව බාර කිරීම අපේ ඉසව්වේ අපේ කාර්්‍යයි.




රජය තුලද රටට විනකරන පිරිසක් ඇත. ඔවුන්ද හොදින් හදුනාගැනීම වඩා ඉක්මණින් කලයුත්තකි. එවිට ඔවුන් පිළිගන්නා අයුරැද තීරණය කිරීම පහසුය. නමුත් අංගුලිමාල නැමති දාමරිකයාගේ කල්කිරියාවන් ගැන අංගුලිමාල නැමති තෙරැන්ට දෙස් තැබීමනම් අනුවණ කිරියාවකි. එය ඔලුවෙන් සිතිය යුත්තකි. ජයවර්ධන දොස්තර මහතා හෝ වේවා..විකාරබාහු හෝ වේවා...මනෝ ගනේෂන් නම් කොටින්ගේ කොළඹ නියෝජිතයා හෝ වේවා රටට වින කරයි නම් ඔවුන්ට කල යුත්ත ජනතා අධිකරණයට බාරය.

විකිලික්ස්....තහනම් කලේ ඇයි???.....ඇත්තම කතාව

අදවන විට අමරිකාව මූලික කරගෙන ලෝකයටම නවමු පුවත් යාවත්කාලීන කල විකිලීක්ස් වෙබ් අඩවිය ම​තභේදාත්මක හේතූන් මත අඩපණ කර ඇත. රටක රහස් ලොවට හෙලිකිරීම යහපත් හා සාධාරණීය කරණය කිරීමට අපේ ඉසව්ව ඉදිරිපත් නොවෙයි. ඒත් ඒ හෙලිකල රහස් අතර අපේ ලංකාවද රැදී තිබීම යනු අපද එම කතාවට තවත් එක් මාතෘකාවක් සපයා ඇති බවට හෙලිවීමත් සමගම අපි ඒ පිළිබද සත්‍ය තත්වය හෙලිදරව් කරගැනීම වඩා යෝග්‍ය බව අපි අවබෝධකරගත යුතුය.

අමරිකාව පවසා ඇති ආකාරය අනුව විකිලීක්ස් වෙබ් අඩවිය කර ඇති වැරැද්ද නම් අමරිකානු රහස් ​විකිලික්ස් වෙබ් අඩවිය හරහා ලොවට හෙලිදරව් කිරීමයි. ඒ හේතුවෙන් මීට පෙර අමරිකානු රජය අදාල වෙබ් අඩවියේ හිමිකරැට රතු නිවේදනය නිකුත් කලත් ඉන්පලක් නොවූ අතර විකිලික්ස් තවදුරටත් අමරිකාවට මෙන්ම ලෝක දේශපාලනයටද වැදගත් වන රහස් රැසක් අමු අමුවේ ලොවට ගෙනහැර දැක්වීය.

එය ලෝකයටම උණු උණුවේ කැවුම් මෙන් පුවතක් විය. නමුත් අමරිකාවටනම් එය එසේ නොවීය. ඉරාක යුද්ධයේ අසමත් වූ තැන්..ජනසංහාර සිදුවීම්..ඇප්ගනිස්ථාන යුද්දයේ සිදුවූ වැරදීම් හා සංහාර පමණක් නොවෙයි පෙන්ටගනය හරහා ලෝක තහනම් සංවිධාන පෝෂණය කරමින් ලෝක සාමය ගැන පොලිස් පාට් දැමීමේ සැබෑ පුවත් ​විකිලික්ස් හරහා ලොවටට එලිදරව් වීම අමරිකාවට දරාගන්නටම බැරිවිය.


අවසානයේ තහනම් කිරිමට ඔන්න මෙන්න තිබියදී තවත් ඓතිහාසික හෙලිදරව් කිරීම් දෙකක් සිදුකලේය. එකක් නම් රැසියානු අගමැති වරයා සම්බන්ධ පුවතකි. අනෙක් කරැණෙන් කියවුනේ ලාංකික අපගේ ඇග කිලිපොලා යන පුවතකි. ඉන් කියවූයේ ලංකාව පිළිබද රහස් තොරතුරැ රැගත් ලිපියක් අමරිකානු තානාපති කාර්යාලය හරහා අමරිකාවට යවා ඇති බවයි. එහෙත් මේ පුවත එලිවීමත් සමගම වාගේ විකිලීක්ස් තහනම් විය.

අමරිකාව නොසිතූ නොපැතූ පරිදි මුලුගැන්වී කල නැටුම් පෙන්ටගනයෙන් පාරට පැන නිව්යෝර්ක් වොෂින්ටන් පමණක් නොව ඉන්දියාවේ ලංකාවේ වීදි වලද තෙනා කෙලින්නට වීම අමරිකාවේ නිරැවත ලොවට පෙන්නන්නක් විය. අමරිකාවේ වෙබ් අඩවියක් මගින් අමරිකාව පතුරැ ගැසීම ගැන එක පැත්තකින් දුකය. එක පැත්තකින් හිනහය තවත් පැත්තකින් භයානකය.


නියර මෙහෙමනම් කුඹුර කොහොමදැයි උපකල්පනය කරගත හැකිවාක් මෙන් මේ එලියට ආවේ සාම්පල් පමණය.තම කොපමණ ඇත්දැයි දන්නේද අමරිකාව පමනය. ඔය ආවේ කසකාරයාය....පෙරහැර තාම මග එති. එබැවින් තව තව ඒවා හෙලිදරව් විය හැකිය. ආරංචියේ හැටියට නම් මෙය ආරම්භකලේ විකිලික්ස් පමණක් වුවත් එය දිගට කරගෙන යාමට ලෝක පරසිදු පුවත් වෙබ් අඩවි ගණනාවක් සුදානමින් ඇති බවයි. එය එසේනම් අමරිකාව දැන් වැඩ වරද්දාගෙන තිබේ.

හිටපු අමරිකානු ජනපති බිල් ක්ලින්ටන් මේ වෙනුවෙන් පවසා​ සිටියේ මෙම කර්තව්‍යය නිසා සිදුවන්නේ බොහෝ දෙනෙකුගේ රැකියා නැතිවීමත් බොහෝ​ දෙනෙකුගේ ජීවිත නැතිවීමත් බවයි. අමරිකාව රහස් සංවිධාන (කොටි සංවිධානය ද ඇතුලුව) පෝෂණය කිරීමෙන් ලොවට කිරීමට බලාපොරොත්තුවූ කොඩිවිනය දැන් ආපස්සට හැරවී ඇත. එය විකිලීක්ස් තහනම් කිරිමෙන් නැවැත්විය හැකියයි අපි විශ්වාස නොකරයි. එබැවින් මේවා අතිසාරයට අමුඩ ගැසීම වැනි දෑය. එබැවින් අයාගත් දෑසින් කොඩිවිනය කෙටූ ඇත්තන්ටම එය හැරවී පල දෙන අයුරැ සයිබර් අවකාශයට වී අපි බලා සිටිමු.

සාපරාධී යුධ අපරාධ චෝදනා මත ජනපති මහින්ද අත්අඩංගුවට ගැනීමේ තැතක් හෙලිවේ

තිස්වසරක කුරිරැ යුද්ධය අවසන් කල ජනපතිතුමන් සාපරාධී යුධ අපරාධ චෝදනා මත ලන්ඩනයේදි අත්අඩංගුවට ගැනීමේ සූදානමක් පැවති බවට අද ජාත්‍යන්තර වෙබ් අඩවි කීපයක්ම හෙලිදරව් කලා. විශේෂයෙන්ම පසුගිය දිනවල ඇමරිකානු රහස් හෙලිකලායයි චෝදනා ලැබ සිටින විකිලීක්ස් වෙබ් අඩවිය විශේෂ හෙලිදරව්වක් කරමින් පවසා සිටියේ මෙරට අමරිකානු තානාපති කාර්යාලය මගින් යැවූ රහස් ලියවිල්ලක් පිළිබදවයි. නැවත වතාවක් අමරිකානු රජය මගින් අදාල වෙබ් අඩවියට රතු නිවේදන නිකුත් කිරිමට මෙය තවත් හේතුවක් විය.

තවද ජනපතිවරයාගේ බිරිතානී සංචාරයට පෙර එරට අගමැති සිදුකල අභූත චෝදනාවත්..චැනල් 4 ​වීඩීයෝවේ නැවත දර්ශනයත්..දමිළ ඩයස්පෝරාවේ උඩුබිරැමත් එක සිදුවීමක පුරැක් ලෙසින් සම්බන්ධ වෙමින් ඇති අතර අමරිකානු තානාපති කාර්යාලය මගින් යැවූ රහස් ලිපියද මෙහි තවත් පුරැකකි. මෙම සිදුවීම් දාමයේ අවසන් බලාපොරොත්තුව වී තිබුණේ කොටි කාඩරයන් පරාජය කල රාජ්‍යය නායකයා සාපරාධී චෝදනා මත ලන්ඩනයේදී අත්අඩංගුවට ගැනීමයි. නමුත් එය කෙසේ හෝ වැලකිම යහපතකි

Dec 2, 2010

බිරිතානිය ලැජ්ජාවිය යුතුය....ඒත් එසේ ලැජ්ජාවක් නැති බව ද දනිමු

පසුගිය දින කීපයේ සිදුවූ සිදුවීමු අනුව තවමත් එල්.ටී.ටී.ඊ හොල්මන් ජාත්‍යන්තරය අතර හොල්මන් කරන බව මනා කොට පෙන්වීය. තිස් වසරක යුද්ධය නිමාකල අතිගරැ ජනාධිපතිදුන් ගේ එංගලන්ත සංචාරය ආරම්භකල මොහොතේම ලන්ඩනයේ ආරක්ෂාව වැඩිම හා වැඩිම පිරිසක් ආගමනය විගමනය වන ගුවන්තොටුපල බවට බිරිතානිය පාරම්බාන හීතෲ තොටුපලට රැස්වූ එල්.ටී.ටී.ඊ හිතවාදී ඩයස්පෝරාවේ කාඩරයන් උඩුබුරන්නට පටන්ගත්හ. කිසිදිනක බල්ලන්ගේ උඩුබිරැමට සිංහයන් බිය නොවන බව පෙන්වමින් මහින්ද රාජපක්ෂ මැතිදුන් තම ගමන නැවතීම සිදුනොකලහ

දරැණු යුද්ධයක් පැවති සමයේ පවා රාජ්‍ය නායකයින්ට යහතින් සිය කර්තව්‍යයන් කිරීමට තරම් සිරිලක් බිම සවිමත් වෙද්දී ලෝකෙට ලොක්කන් බවට නරිවාදන් දෙසා බාන බිරිතානියට ගරැගාම්භීර රාජ්‍ය නායකයෙක්ට ආරක්ෂාව සැපයීමට නොහැකිවීම ගැන ලැජ්ජා විය යුත්තේ නොවේද?

අද ලංකාවේ ඊලාම් කොඩියක් දිග අරින්නට හදන මොනයම් කාඩරයෙක්ට හෝ වේවා වෙන දෙය ඔබව වැටහෙනවා ඇත. ලංකාව කොටි අවසන් කර ඇත.බිංදුවටම අවසන් කර ඇත. නමුත් බිරිතානියට තහනම් සංවිධානයක් වන කොටින් ගේ නාඩගම් නතරකර ගැනීමට බැරිවීම විලිසංහදිය ඇති අයෙක්ට හිටගෙන මුත්තරා පිටවෙන වැඩකි

හැමදෙයින්ම පේන්නේ මේ පුංචි රට කොටි පැරැද්දවීම ගැන තවමත් ලෝකෙට ලොක්කන්ට හොදටම දැනී ඇති බවයි. ඒ ලැජ්ජාවට කරන්නට ඇති එකම දේ මෙය පමණක් බව අපට සිතාගත හැක. ඒත් හෙට දින වුවද එංගලන්ත අගමැති මේ සිරිලකට ආවොත් අවසන් සටන පැවති බිමට පවා ගෙන ගොස් පිරබාහරන් නැමති අලුගෝසුවා මරාදැම්මේ මෙහියයි පෙන්නන්නට තරම සවිමත් රණවිරැවන් පිරිසක් මේ රටේ සිටීම සිරිලක් අම්මාට මහා ආඩම්බරයකි.

මේ මොහොතේ බොරදියේ මාලුන් දඩයම් කරන්නන් සිටින බවද පෙනෙන නමුත් එදත් කොටින්ට අතදුන් සිංහල කොටින් ගේ පුල්ලි දැක බලා ගත හැකි තවත් ස්වර්ණමය අවස්තාවක් බව අප කිවයුතුමය. අපි මේ මොහොතේ ලාංකිකයන් වශයෙන් එකාවන්ව සිටිය යුතුය.

මේ පිළිබද ඡායාරෑප සහිතව අපේ අනෙක් අඩවියේ ලිපියකින්ද අනාවරණය කර ඇත. එය ඔබට මෙතැනින් එම ලිපිය බැලිය හැක.

මේ වකවානුව චැන්ල් 4..අල් ජසීරා..හියුමන් රයිට් වැනි ආයතන ලංකාවට සාපරාධී යුධ අපරාද චෝදනා එල්ල කරන සමයකි. එබැවින් සියලු දේ කනින් අසා නුවණින් කටයුතු කල යුතු සමයකි. එබැවින් ලෝකය ඉදිරියේ අපේ රට පෝරකයට ගෙනයාමට එරෙහිව අප පෙලගැසිය යුතු අවස්ථාවකි.


සිරිලක් පොළවේ කාදිනල් උතුමන්


එදා ලංකාවටම සතුට පිබිදුන දවසකි. ලංකාවාසී හැමදෙනාම කතාබහ කලේ කලකට පසුව මේ පුංචි දිවයිනෙන් බිහිවන කතෝලික දේව සභාවට ආලෝකයක් වන සිරිලක් පහන් තරැව ගැනයි. අතිඋත්තම මැල්කම් රංජිත් අගරදගුරු හිමාපාණෝ වතිකානුවේදී පාප් වහන්සේ අතින් කාදිනල් හිස් පළදනාව ලබන අයුරැ ආගමික භේදයකින් තොරව ලක්වැසියන් හද පිරි න්තෝසයෙන් බලා සිටියහ.

කාදිනල් තනතුරේ වැදගත්කම ලෝකවාසි ජනතාව ඉතා හොදින්ම දන්නා අතර එය නිසිකලට අපේ අගරදගුරු තුමන්ට හිමිවීම ඉතා සතුට දනවන සිදුවීමක් බව හදවතින්ම ප්‍රකාශකල යුතුය.

උන්වහන්සේ ලක්පොලොවට පය තබන මොහොතේ ආගමික සහජීවනය පෙන්නුම කරමින් සෙත් පිරිත් සජ්ජායනය කිරීමත්, සැදැහැවත් ලෙසින් ඒ පිරිත් අසා සිටීමෙනුත් උන් වහන්සේ එය තවත භාවිතාවෙන්ම ඔප්පු කල සේක.

අපි උන්වහන්සේට උන්වහන්සේගේ ආගමික දර්ශනය අනුව දෙවි පිහිටාශිර්වාදය පතන අතර අපේ දර්ශනය අනුව සිරිලක් පොළවේ කාදිනල් උතුමන්ට තෙරැවණ් සරණ පතමු.



Oct 5, 2010

නිදහස් ගහේ ජාතික මල් පිපෙන තුරු...




1948 දී ලැබුනේ ඇත්තම නිදහසක් කියල හිතුවට මේ රටට වපුරන්න ඕන පරගැති චින්තනේ හැමදෙයක්ම වපුරලා තමයි යන්න ඕන හැම ආක්‍රමනිකයේක්ම ගියේ. එත් මේ රටේ මිනිස්සුන්ට ඕන උනානම් අඩුමගානේ ඉන්දියාව වගේවත් ස්වජාතික සංකල්පයක් යටතේ නැගිටින්න එකට ඕනෑතරම් ඉඩකඩ තිබුනා. අනගාරික ධර්මපාල තුමා, වලිසිංහ හරිස්චන්ද්‍ර , එස්. මහින්ද හාමුදුරුවෝ, වගේ ජාති මාමක වීරයෝ සිංහලයා නැගිට්ටවන්නට උගුර බැරැන්ඩි වෙනකම්ම කැගහුවත් ඒවා බීරි අලින්ට වීනා වයනවා වගේ උනේ ජාතියේ අවාසනාවට වෙන්න ඇති..

කොතරම් ජාතික වාදී නායකයන් හිටියත් සිංහලයට තමන්ගේ රට ගැන හැබැම කැක්කුමක් දැනෙනකන් කිසිම දෙයක් හරියන්නේ නෑ කියන කතාව හරියටම හරි කියල හොදටම තේරුම් ගන්න අපිට පුළුවන්. කොහොම උනත් විවධ උවදුරු ආවම රට ජාතිය ගැන මතක් උනාට අනිත් හැම වෙලාවටම " බඩ එකට රට දෙකට " කියන සංකල්පේ නූලටම ක්‍රියාත්මක වෙනවා.

කොතරම් ජාතික වාදී නායකයන් හිටියත් සිංහලයට තමන්ගේ රට ගැන හැබැම කැක්කුමක් දැනෙනකන් කිසිම දෙයක් හරියන්නේ නෑ කියන කතාව හරියටම හරි කියල හොදටම තේරුම් ගන්න අපිට පුළුවන්. කොහොම උනත් විවධ උවදුරු ආවම රට ජාතිය ගැන මතක් උනාට අනිත් හැම වෙලාවටම " බඩ එකට රට දෙකට " කියන සංකල්පේ නූලටම ක්‍රියාත්මක වෙනවා.

Sep 19, 2010

අහිංසක මේ ඇස්...හැමදාම අහිංසකයි.. [ ජනරඟ විජඉඳු දේවසුරේන්ද්‍ර ]


සුහර්ථ,

මම දන්නේ නෑ මේවගේ ලියුමක් ලියන එක හරිද වැරදිද කියලවත් නමුත් මේදේ මම නොකලොත් මගේ හිතට තවත් ලොකු වදයක් වෙනවා. එකයි අමාරුවෙන් හරි මෙහෙම ලියන්නේ. අපි දෙන්නම කැම්පස් එකට ආවේ එකම දවසේ. අපි දෙන්න විතරක් නෙවෙයි රවිදුත් එහෙමයි. රවිදු මුල ඉදලම මගේ ළඟ හෙවනැල්ලක් වගේ හිටිය. මට රවිදු ආදරේ කරනවා කියල දැනගත්තම මට ගොඩක් ලොකු සතුටක් දැනුන. මම එදා වගේම තමයි රවිදුට ආදරේ කරන්නේ. එකේ පොඩි හරි අඩුවක් තියනවා කියලා ඔයා වැරදිලාවත් හිතන්න එපා.

රවිදු කියන්නේ නිශ්ශබ්ද කෙනෙක් විතරක්ම නෙවෙයි හැමදේම හොදට හිතලා බලලා වැඩ කරන කෙනෙක්. එයට ලොකු ඉවසීමක් තියනවා, එකයි වැඩියත්ම මම එයට ආදරේ කලෙත් ඒ වගේම කරන්නෙත්. ඔයාව මම මුලින්ම දැක්කේ කැන්ටීන් එක ගාව පඩිපෙලේදී. එතකොටත් රවිඳුට මගේ ආදරේ දීල ඉවරයි. එකම බැජ් එකේ උනත් ඔයාව මම දැක්කේ එදාමයි. එකත් අහම්බෙන්. මම එදා ඔයා දිහා වුවමනාවකින් බැලුවේ නෑ අදටත් එකේ වෙනසක් නෑ. එදා පඩි පෙලේදී මම රවිඳුගේ කැප් එක දාගෙන හිටිද්දී ජීවිතේට කතාකරලා නැති ඔයා කොහෙද ඉඳගෙන ඇවිත් " ඔයා ඔය කැප් එක දාගෙන හිනාවෙනකොට හරිම සුන්දරයි" කියල කිව්වම මම ගල් ගැහිලා ගියා. ඒක විහිළුවක් කියලා තේරුනේ ඔයයි ඔයාගේ යාළුවො ටිකයි හොදට හිනා වෙනකොට තමයි. මාව ගල් ගැහිලා යන විහිළු කරලා ඔයාල හිනාවෙනකොට අතේ තිබුන බෑග් එකෙන්ම දෙන්න මට හිතුනා. රවිඳු ළඟ නැති අසරණකම හිතට දැනිලා මුණ රතුවෙනකොට ඔයා යාලුවොත් කතාකරන් එතනින් ගියේ මගේ මුණ දැකල වෙන්නැති.

ඔයා නිතර මුණ ගැහුනා, මමත් හිනාවුනා ඔයත් හිනාවුනා හරිම අමුතු විදියකට, මම රවිඳු එක්ක යද්දී පවා ඔයාගේ ඒ අමුතු බැල්ම නැතිවුනේ නෑ. මම ඒ දවස්වල නිතරම කල්පනා කළා ඒ ගැන. දවසක් රවිදුට කියන්නත් හදල මම නිකන් හිටිය. එත් ඔය හැමදාම මගේ ඇස්දෙක දිහා බලන්න ගත්තා..දෙයියනේ මම කොහොමද කලබල නොවී ඉන්නේ කොහෙවත් යන කොල්ලෙක් මගේ ඇස්දෙක දිහා එහෙම බලනකොට. රවිදු මගේ ඇස්දෙක දිහා බලනවටත් වඩා උනන්දුවෙන් ඔයා මගේ ඇස්දෙක දිහා බැලුවේ ඇයි සුහර්ථ,,මේ ඇස්දෙක රවිදුට ලියලාදීලා ඉවරයි..ඇස්දෙක විතරක් නෙවෙයි මගේ මුළු ජීවිතේම එයාට දීලා ඉවරයි.

දවසක් මම පුස්තකාලේ පොතක් තෝරද්දී පොත් මිටියක් රාක්කෙන් අතට ගත්තම දැක්කේ පුරුදු අස්දෙකක් දෙයියනේ ඔයා එහා පැත්තේ ඉදන් මගේ ඇස්දෙක දිහා බලන් ඉන්නවා..ඒ වගේම දවසක් ලෙක්චර් හෝල් එකේ ඈත ඉදන් ඔය මගේ ඇස්දෙක දිහා හිනාවෙලා බලන් ඉන්නවා..කෙල්ලෙක් කොහොමද මේදේවල් ඉවසන්නේ..ඔයටනම් ඒවා තේරෙන්නේ නැතුව ඇති..එත් සුහර්ථ මම වෙනකෙනේක්ගේ..ඔයා ඔය ඇස්දෙකෙන් කියන දේ මට හොදට දැනෙනවා..එත් මම ඒ දේට ආස නෑ..මම හැමදාටම රවිදුගේ විතරමයි

දවසක් නොහිතපු වෙලාවක මගේ මොබයිල් එකට එස්. එම්. එස්. එකක් ආව ඔයාගෙන්.." ඔය ලස්සන ඇස් ළඟ මම නැවතිලා හෙලවෙන්නවත් බෑ..මව බේරගන්න කියලා.." අනේ සුහර්ථ..ඔය විදියට කෙල්ලෙක්ගෙ හිතත් එක්ක සෙල්ලම් කරන්න එපා..ඒක මහා පව් වැඩක්..මගේ හිත මෙච්චරටම කලබල කලේ ඔයයි..මගේ හිත පන්සලක බෝමළුවක් වගේ මම නිස්කලංකව තියාගෙනයි මම රවිදුට ආදරේ කලේ.... පින්සිද්දවෙයි මගේ හිත අවුල් කරන්න එපා..

ඔය මුණ දිහා බලාගෙන.. ඔය හිනාව දිහා බලාගෙන මට ඔයාගේ කම්බුලට ගහන්න මට බෑ..ඒක දවසක් හරි මත එක්ක කතා කරපු ඔයාට එහෙම කරදරයක් කරන්න මට බෑ..එකයි මෙහෙම ලියන්නේ..මගෙන් ඈතට යන්න..පුළුවන් තරම්..ඔයා තවත් මගේ අස්මායිමට එන්න එපා..මම රවිදුට ආදරෙයි..ඒ ආදරේට බාධා කරන්න එපා..මගෙන් ඔයාට වැඩක්නෑ..ඔයාට පණදෙන්න සූදානම් කෙල්ලෝ මේ කැම්පස් එකේ ඉන්නවා කියලා මම දන්නවා..අන්න ඒ කාටහරි ඔයාගේ ඔය හිනාවයි , ඇස්බැල්මයි දෙන්න හැමදාටම..මේ අහිංසක කෙල්ලට පාඩුවේ ඉන්න දෙන්න..එයාගේ අහිංසක හිතට පාඩුවේ ඉන්න දෙන්න..එයාගේ හිත වෙනස්කරන්න හදන්න එපා ප්ලීස් ....

හිතවත් මිතුරිය,
ශානි..

Sep 18, 2010

අපේ සරසවියේ සුන්දරම පින්තූර ටිකක්...මගේ ඇසින්

ඔන්න මම හිතුව මේපාර අපේ විශ්ව විද්‍යාලයේ ලස්සන පින්තූර ටිකක් දාන්න. මේ රුහුණ විශ්ව විද්‍යාලයේ ප්‍රධාන සංකීර්ණය. නිර්මාණය කරලා තියෙන්නේ ලෝකප්‍රකට ගෘහ නිර්මාණ ශිල්පියෙක් වන බ්‍රිතාන්‍ය ජාතික "ජෙප්රි බාවා" විසින්
මේ විශ්ව විද්‍යාලය ළඟ තියන ස්වභාවිකව නිර්මාණය වුන. මේක හදුන්වන්නේ "වැව" කියල තමයි

මේ ප්‍රධාන පුස්තකාල සංකීර්ණය. බොහොම වැදගත් පොත් විශාල ප්‍රමාණයක් වගේම ආසියාවේ සුපිරි තාක්ෂනය මෙයට යොදාගෙන තියනවා

මේ ඉන්නේ වැව ගාව ෆොටෝස් ගත්තු මම. මෙතනට වැව හරිම ලස්සනයි

මේක තමයි අපේ විශ්ව විද්‍යාලයේ "එළිමහන් රංග පීට්ය" මෙතන අපිට බොහොම හුරුපුරුදු තැනක්

මේ ලස්සන මල් එක්ක බැලුවම ඈතින් පෙන්නේ බ්‍රව්න්ස් කදුවැටිය සහ එළියකන්ද ප්‍රදේශයයි


අරලිය මල් විශ්ව විද්‍යාලය පුරාම ලස්සනට හැදිලා පරිසරේම සුවඳ කරනවා


මේ කළා පීඨයේ ශ්‍රවනාගාරය තමයි. මෙතන ගොඩක් දවස්වලට මොනවමහරි තියනවා. අඩුමගානේ ෆිල්ම් එකක් හරි


ඉහල ආපන ශාලාව ළඟ ඉදන් බැලුවම විශ්ව විද්‍යාලයේ පිවිසුම පැත්ත පෙන්නේ මෙහෙමයි. මේක ගොඩක් උදෙන් ගත්තු එකක්..එකයි මෙච්චරටම ලස්සන


මේ විශ්ව විද්‍යාලේ ලස්සනම පීඨ අතරින් එකක්වන විද්‍යා පීඨයේ..උද්භිත විද්‍යා අංශයයි..මේ පරිසරය ගොඩක්ම ලස්සනයි

මේ සත්ව විද්‍යා අධ්‍යයන අංශයට යන පාර..මේ පාරේ ඇවිදින්න අපි හරිම කැමති..අපේ පීඨයට අයත් නොවුනත් මේ ලස්සන බලන්න අපි නිතරම එනවා.

ඉතින් පින්තූර ටිකක් බැලුවනේ.. ඉඩක් ලැබුනම තව ලස්සන පින්තූර ටිකක් දාන්නම්..දැන් කියන්න බලන්න මේ ටික ලස්සනද කියලා?

ආදර හිරු 4 - දයාබර හිරු [ සදරාණි ප්‍රියලංකා සුදුසිංහ ]


මට ඉර මුණගැහෙනකොට ඉරට ස්ථීර රස්සාවක් තිබුනේ නෑ. එත් මට ඒවා හිතන්න ඕන වුනේ නෑ . හුගක් සරල චාම් ජීවිතෙකට හීන දැකපු මට ඉර ළඟ තිබුණු සරල අව්‍යාජ මනුස්සකම් වලට හිට ගියා.

හිතන් ඇති මම බොළඳ කෙල්ලෙක් කියල..නෑ.. මම එතරම් බොළඳ නෑ. මම දන්නවා හතරක් සරසවිය තුල හිටපු විවිධාකාර චරිත එක්ක බලද්දී ඉර ගොඩක් දුර්ලභ සමහරවිට මම ආයෙම ජීවිත කාලෙම හෙව්වත් හමුනොවෙන විදියේ චරිතයක්. මහා ලොකු උපාධියක්, රස්සාවක්, නැති වුනාට මනුස්සකම උතුරන ඔය හිතට පුළුවන්කම තිබුනා මට ගුරුවරයෙක් වෙලා ජීවිතය කියලා දෙන්න.

මොහොතක්වත් තරහ නොගෙන පුදුම ඉවසීමකින් මගේ දඟකාරකම් දිහා බලන්න. මගේ වැරදි මටත් නොදැනීම නිවැරදි කරන්න කියලා දෙන්න, එත් එක යාලුකමක්ද,සහෝදරකමක්ද ? එහෙමත් නැත්නම් ආදරයමද කියල මට තාමත් හිතාගන්න බෑ.

Sep 15, 2010

ආදර හිරු 3 - පහන් තරුවට [ සදරාණි ප්‍රියලංකා සුදුසිංහ]


පහන් තරුව, මම දන්නවා ඔය ලෙන්ගතුකම හිත අද්දර නැංගුරම් දාන්න බලන් ඉන්න වග. එත් මගේ ලෝකේ හිටිය ඉර ඔය පහන් තරුවට වඩා මට ලක්ෂවාරයක් වටිනවා. හිතේ සුවඳ මම ලඟට දීලා ඈතට වෙලා හිනාවෙන මගේ දයාබර හිරු, මගේ හැම හුස්මක්ම අයිතිකරගෙන.

"හෙමින් වටේ ගොස් හිත ළඟ නතර වෙන
දඟකම් ගුරුකමක් වී හිත සනසවන
පැතුමක් සේම ඉසිවර වෙස් පටලමින
හිතට නෑවිදින් ඈතටම රැඳෙනු මැන

ඉරෙන් එළියගත් සඳ මා නිල අහස මත
පහන් තරුව ලෙස නුඹ ඉනු පෙර ලෙසම
විලක් ලෙසට කඳුළැලි මා වගිරුවද
මට තනි මකන්නට නෑවිත් ඉදින් නුඹ

දුවන මුවන් ළඟ හුන් බව උගත්තෙමි
නෙලන්නට පලා මසිතට සවි නොමැති
සැමදා නියං එකදා වැහි වලාවකි
සිත පෙරනිමිති ළඟ නුඹ මට හීනයකි

දුර ඉර බලා සැනසුණු හිත රිදෙනු දැනී
ලඟට ඇවිත් මා හිත පිරිමදිනු සකී
වෙහෙසකර හිතට නුඹ වැහි පොදක් වැනී
තෙමෙන්නට බයයි රෝදුක් ලකුණු ඇති "

Aug 20, 2010

නොපැවැත්ම [ ජනරඟ විජඉඳු දේවසුරේන්ද්‍ර ]


සීතල පිණි කැටය
සෙනෙහසින් දෝතට ගනිමි මම
අමතක කර සදහටම
තවත් එකම එක
පිණි කැටයක්ම

පමණක් බව

Aug 10, 2010

ආදර හිරු 2 [ සඳරාණි ප්‍රියලංකා සුදුසිංහ ]


ජීවිතේම එලියකරන් මං ලඟට පායපු හිරු මට සඳක් වෙන්න එලිය දෙද්දී ඔය හිතට ආදරේ කරන්න හිත කෑගහද්දී හංගගත්ත හැම පතුමක්ම මම තාමත් පරිස්සම් කරනවා. කව්රු එක්ක මම ආයෙත් ඔට්ටු අල්ලන්නද? ජීවිතේම පැරදුන මම



හිතට තනිකම පවරලා
හිතේ ලෙන්ගතුකම් මකා
සසර සැනසුම දුර තියා
මගේ ලොවේ හිරු හැංගුනා...

කප්පරක හීනය බොඳවෙලා
වැහි හතක සීතල හදවෙලා
නෙතු අතර කඳුලක රස තියා
දුර කඳු අතර ඔබ හැංගුනා..

කියා නොකියා හිතට සෙනෙහස
අසම්මතයක තනිවෙලා මම
අසමසම ඉර හෙට නැගේවිද
සඳයි මම ඔබ නමින් පායන ...


Jul 30, 2010

බස්සා


නුඹ කොහි සිටින වග නොදන්නා මුත්
නුබ කොහේ හෝ සිටිනා වග දනිමි
එසේම ඔවුන් ඔබ සොයන වගද දනිමි
අසුවුනොත් නුබට වෙන දේ ද දනිමි
නුඹ එය කළේදැයි යන්න පමණක්
හරියටම නොදනිමි..

රටට සම්පත් වන්නට සිටි නුබ වැන්නවුන්
මෙමගට යොමුකළේ කව්දැයි
සොයා ගන්නට හැකිනම්
කියාදෙනු හැකිය
නුඹට කල දෙය තවත් කරනු නොහැකි වග

සැගවී සිටියොත් නොහැකිවෙයි නුඹට
ඇත්ත ඇත්තමද බොරුවද
වග

Jul 29, 2010

ආදර හිරු 1 [සඳරාණි ප්‍රියලංකා සුදුසිංහ]


හරිම අහිංසක ප්‍රර්ථනාවන් දෙක තුනක් හිත ඇතුලේ තියාගෙන සරසවියට ගියපු මට මගේ ලෝකෙට ඉරක් වගේ ඔය හිත වැඩිය දවස මට අද වගේ මතකයි.

එක දවසක් මම පරිගණකයේ තිබුන කවියක් දැක්කා. ඒ කවියේ අග තිබුන දුරකථන අංකයට මම කතා කළා. එයාම තමයි මට ඔයාව අදුන්නලා දුන්නේ මේ ඔයාලගේ ගමේ කෙනෙක් කියල.කතා කරලා බලද්දී අපේ අල්ලපු ඉස්කෝලේ තමයි ඔයත් ඉදලා තියෙන්නේ. හුඟකාලයක් ඉඳන් දන්න කෙනෙක් වගේ හිතට ලෙන්ගතු කමක් දැනුන. ආයෙමත් කතාකරන්න ඇත්නම් කියල හිතුනා. කවදාවත් නොහිතපු දෙයක් මට හරි අහම්බෙන් ඔයාව මුණගැහුනා. ඔයාගේ නමේ තේරුම නිසා මම ඔයාට "ඉර" කියලා නම දැම්මා. එත් කවදාවත් මට හිතුනේ නෑ "ඉර" මේ තරම් දුරක් මගේ හිත දිගේ ඇවිදන් එයි කියලා. හැරෙන්න බැරි තරම් දුරක්.

ඒ දවස අද වගේම දවසක්.පාන්දරම දිගින් දිගට එවන කෙටි පණිවිඩය ලැබුනා.


"ගුඩ් මෝර්නින් සඳ "

සියලු පැතුම් සර්වප්‍රකාරයෙන්ම සාර්ථක වේවා. ඒ ඔයාගේ සුපුරුදු පැතුම.

සියක් ආයු ලැබ
මගෙත් ආයු ගෙන
මටත් වඩා කල්
ඉර ජීවත් වේවා

මතකද මමත් පැතුවා,
ටික වෙලාවකින් ආයෙමත් පිළිතුරු ආවා.

මෙතේ බුදුන් දැක
ලොවේ උතුම් ලඳ
විශාකාව වේවා ..!

ආදරණීය පැතුම අදත් මට මතකයි, හෙටත් මතක තියේවි ඔයාට හරි ඉක්මනට විශාකාව අමතක උනදා ඒ විවරණය මම තාමත් හිතේ තියාගෙන බලන් ඉන්නවා. ඉරට බුදු සරණයි ..!

Jul 23, 2010

ලොවක් දකින්නට සුන්දරියක්...[ජනරඟ විජඉඳු දේවසුරේන්ද්‍ර ]

පර්දාව මදකට මෑත්කර
නිල්මිණිවන් නෙතු දෑල
විදහා
බලන්න එකවරක්
දෙතොල් පෙති තදකරන්
දැනෙන ලෙස හදවතින්...
ඇස පියවෙන්නට මොහොතකට කලින්
ස්ථීර නිමේෂයක හෝ
සීමා මායිම්
මොහොතකට අවකාශයට
මුදාහැර
බලන්න ලොව දෙස
නොපෙනුන තරමට සුන්දරය
නොදකින තරමට පින්බරය
සුන්දරියේ ඔබට
ඔබ දකින ලොව

Jul 13, 2010

දිවිය මොනතරම් සුන්දර දෝ..දුකම කොයිතරම් සතුටක් දෝ..[ ජනරඟ විජඉඳු දේවසුරේන්ද්‍ර ]





" තවත් මේ හැම දුකක්ම හිතේ තියන් ඉන්න අමාරුයි දුලාන්"
සචිනි දුලාන්ට ලංවෙලා කිව්වේ ගොඩක් කණගාටුවෙන්. දුලාන් හිටියේ නෙත් දෙක බිමට යොමාගෙන.

"මම හිතුවේ නෑ මේක මෙච්චර ලොකු ප්‍රශ්නයක් වෙයි කියලා..සචී..මම එහෙම දැනන් හිටියනම් කවදාවත්
ඔයාට දුකක් දෙන්න ඔයාට ලන්වෙන්නේ නෑ"
දුලාන් කිව්වේ ගොඩක් දුකෙන් වගේ.

" නෑ මගේ රත්තරන් ...ඒක මට දුකක් නෙවෙයි..මට බයයි..මේ සේරම වෙන්නේ මට ඔයා නැතිවෙන්න යන විදියටයි..ඉතින් මම කොහොමද මේවා බලන් ඉන්නේ.."
සචිනි දුලාන්ගේ අතින් අල්ලගත්තා.

"මේකේ ඉවරයක් තියෙන්න ඕන දුලාන්..මට බෑ වෙනකාගේවත් වෙන්න..එත් අපේ ගෙදර ය ඔයාව නැතිකරන්න හොයනවා..මට බෑ ඒක පැත්තකින්වත් ඔයාව නැතිකරගන්න.."

සචිනි කඳුළු වගුරවමින් කිව්වා..දුලාන්ට මහා දුකක් සචිනි ගැන ඇතිවුනා.හැමදාටම මේ රත්තරන් හිතත් එක්ක ජීවත් වෙන්න තිබුනානම් කොච්චර හොඳද කියලා හිතුනා..

"අපි දෙන්නට වෙන්වෙලා ඉන්න බෑ සචී..එහෙම ඉන්න සිද්දවුනොත් අපි දෙන්නට හැමදාටම විඳවන්න වේවි.."
දුලාන් හිතේ තදකරන් හිටපු දුක පිටකරන ගමන් කිව්වා.

දෙන්නා මොහොතක් වැළඳගෙන හිටියා. හිතේ දුක පිටවෙන්න දෙන්නම හොඳට ඇඩුවා.ඒ දුක පිටකරගන්න දෙන්නටම ඕන වෙලා තිබුනා.

"මේ අපි මුණගැහෙන අනිතිම දවසද දුලාන්..අනේ අපිට වෙන්වෙන්න වෙයිද ?"
සචිනි කඳුළු වගුරමින් ඇහුවා.
දුලාන් අයෙත් ඇයගේ අත්දෙකෙන් අල්ලගත්තා .දෙන්නම වෙරළ තීරයේ ඉදන් රේල් පාර දීගේ ආපහු එන්නට ආවා.

දෙන්නා තාමත් අත්දෙක අල්ලගෙනම කෝච්චි පාර දිගේ ඇවිදිමින් ආවා.

"අපි වෙන්වෙන්න හොඳ නෑ..'
සචිනි දුලාන් දිහා බලලා කිව්වා.

"අපි වෙන්වෙන්නේ නෑ.." දුලාන් ස්ථීරවම කිව්වා..

"මේ හැමදේම නැතිවෙන්න දෙන්න බෑ..මේ දුකම අපිට සතුටක් වෙයි..දුලාන්"
සචිනි දුලාන්ගේ ඇත තදින් අල්ලගත්තා. දෙන්නටම ඈතින් 'රුහුණු කුමාරියේ " හූ හඬ ඇහෙන්නට වුනා .
දෙන්නම අත්දෙක තවත් තදකරල අල්ලගත්තා,දුලාන් සචිනිගේ මූණ දිහා බැලුවා.කවදාවත් නොතිබුණු විදියක
ආදරණීය නිර්භීත බවක් ඒ මූනේ තිබුනා. දෙන්නම එක සැරයක් හිනාවුනා.

"රුහුණු කුමාරිය " මේ ආදරණීය හිත්දෙක නවත්තන්න තව තව හය්යෙන් හූ හඬ පිටකලා. එත් මේ හිත්දෙක වෙන්කරන්න කිසිම දෙකට නොහැකි වුනා. දුම්රිය ලංවෙද්දි දෙන්න තදින්ම බදාගත්තා. අයෙත් කවදාවත්ම වෙන්වෙන්නේ නැතිවෙන විදියට. දුලාන් සචිනි වෙන්කරන්න කාටවත් බැරිවුනා..ඒ හිත්දෙක සදහටම
එක්වුණා..හරියටම " දුකම කොයිතරම් සතුටක් දෝ කියන්න වගේ"


සංසාරේ දුර ඈත
යන්නට පෙර හමුවෙමු ආයේ
එක දිනයක..
වෙන්වෙන්නට නොවේ අපි
බැඳුණේ සදාකල්
වෙන්නොවෙමු සසරේ
යලි යලිත් බැඳෙමින් ...

ආදරණීය සචී...



[සත්‍ය සිදුවීමක් ඇසුරෙන්..නම්ගම් මන :කල්පිතයි ]
මේ සංවේදී කතාව ඔබට දැනුනානම්..ඔබේ අදහස අපිට ලියල යන්න..නැත්නම් ඊ මේල් කරන්න wijaindu@hotmail.com

Jul 8, 2010

අරණක සුවය විදින්නට පෙම් කලෙමි...[ජනරඟ විජඉඳු දේවසුරේන්ද්‍ර]

කරදරකාරී ජීවිතයෙන් මදකට හෝ මිදෙන්නට මම කල්පනා කරමින් සිටි දිනක සිහිවුන යන්නට මට එක අරණකට. නාගරික තරගකාරී දිවියෙන් මිදෙන්නට මට මේ අරණ සිහිවුනි. සැමවිටම වාගේ පුරුදු තනියෙන්ම මම අරණට යන්නට ගියෙමි.

එහි සුවපහස විදින්නට මට අවැසිවුනි.ජීවිතයේ හැබෑ සුවය හදුනාගන්නට එය කොතරම් ඉඩකඩක්ද යන්න මට සැනෙකින් අවබෝධ්විය. මම ඒ අරණ පුරා සැරිසරමින් එහි සුවය විදිමින් සිටි අතර මට අරණ බිම පිහිටි ආරාමය තුලට යන්නට සිත්වුනි.

එහි වැඩවිසූ හිමිනමක් සමග මොහොතකට අදහස් හුවමාරු කරගැනීමට මට ඉඩකඩ ලැබිණි. මම මගේ අරමුණ උන්වහන්සේට පැවසු විට උන්වහන්සේ මා හට අගනා උපදෙසක් තේරෙන භාෂාවෙන් ලබාදුනි.

"මහත්තයෝ මේ ජීවිතේ කියන්නේ කරදර ගොඩක්..එකක් ඉවරවෙන්න එකක් විදියට කරදර පෙළගැහිලයි තියෙන්නේ. මේක ඉවරයක් වෙන්නනම් සංසාරෙන් එතෙර වෙන්නම වෙනවා. එකට මාර්ගේ අපේ බුදුහාමුදුරුවෝ අපි හැමෝටම කියලදීල තියෙනවනේ, ඉතින් ඒ මග හරියට ගියොත් මේ කරදරවලින් සදහටම ගැලවෙන්න පුළුවන්.."

මට උන්වහන්සේ කියූ දෙය හොදින් වැටහිණි, මම උන්වහන්සේට මගේ අදහසද පැවසීම වඩා උචිතයි යන්න වැටහිණි.

"හාමුදුරුවනේ සමාජේ හුරුවෙලා ඉන්නේ අස්ථීර දේවල් පස්සේ දුවන්න විතරයි, අපිටත් එහෙම කරන්න වෙලා තියෙනවා. එත් එහෙමගිහින් හතිවැටෙන දවසක් එනවා හරියට අද මට වගේ.."

"එක ඇත්ත මහත්තයෝ..එත් මහත්තයෝ ගොඩක් දෙනෙකුට එහෙම හතිවටෙන්නේ මරණේ දොරකඩටම ආවාමයි..මරණ භය දැනෙනකොට ධර්මේ මතක්වෙනවා..බුදුහාමුදුරුවෝ මතක් වෙනවා.එතකොට දෙයක් කරගන්න කල්මදී.
මොනවා පස්සෙද මහත්තයෝ මේ එලවන්නේ..තමන් මැරෙනකොට මේ කිසිදෙයක් අරන් යන්නේ නෑ..ආරණ්‍යවාසිව ඉන්න අපේ උන්නාන්සේ කෙනෙක් මෙරුනත් මරණයක්..ඔය සමාජේ ලොකු මහත්තයෙක් මැරුණත් මරණයක්..වෙනස තියෙන්නේ අපේ උන්නාන්සේ නමක් අපවත් වෙන්නේ සියලුම කෙලෙස් ඇත ඇරලා..උන්වහන්සේ ළඟ ඉතුරුවෙලා තිබෙන්නේ පාත්තරෙත්, සිව්රුකඩමාල්ලත් විතරයි.උන්වහසේට ඒ දේවල් ගැනවත් කිසිම ලොබයක් නෑ..එත් ජීවිතේ පුරාම සල්ලි විතරක් හම්බකරපු කෙනෙක් මැරුණම මැරෙන්නේ අධික ලොබයක් හිතේ තියාගෙන..බණක් භාවනාවක් නොකරපු නිසා කොයි ලෝකෙක ඉපදෙවිද දන්නෙත්..අන්න එක තමයි දෙන්නගේ වෙනස..

ඉතින් මහත්තයෝ අපිට පුළුවන් විදියකින් ඒ ගමන යනගමන් මහත්තය වගේ මේ සසර කෙලවර කරගන්න කැමති යට අපේ උපකාර කරන්න කැමතියි. මහත්තයට ඉඩක් ලැබෙන ඕනෑම වෙලාවක මෙහෙ එන්න..කිසිම දෙයක් අරන් එන්න එපා..යහපත් සන්සුන් ධර්මයට ලැදි හිත විතරක් අරන් එන්න..මේ අරණේ කිසිම දෙයක් අයෙත් අරන්යන්න එපා..උතුම්ම බුද්ධ ධර්මයත්, හිතේ නිවනත් විතරක් අරන් යන්න.."


ඉතින් මහත්තයෝ අපිට පුළුවන් විදියකින් ඒ ගමන යනගමන් මහත්තය වගේ මේ සසර කෙලවර කරගන්න කැමති යට අපේ උපකාර කරන්න කැමතියි. මහත්තයට ඉඩක් ලැබෙන ඕනෑම වෙලාවක මෙහෙ එන්න..කිසිම දෙයක් අරන් එන්න එපා..යහපත් සන්සුන් ධර්මයට ලැදි හිත විතරක් අරන් එන්න..මේ අරණේ කිසිම දෙයක් අයෙත් අරන්යන්න එපා..උතුම්ම බුද්ධ ධර්මයත්, හිතේ නිවනත් විතරක් අරන් යන්න.."


Jul 7, 2010

ඝාතනය


මම සොයමින් හිස් ලූ ලූ ඇත
දිව ගියෙමි
තියුණු ආයුධයක්ද රැගෙන
ඇය ආයාචනා කරමින් මා පසුපස
උමතුවූ නියා දිවඑමින්
මා වළකන්නට තැත් කළහ...
මා ඈ පසෙකට ඇද දමා
සොයමින් දිව ගියෙමි..
අවසානයේ හමුවිය
මා ඇත රැඳුණු අවිය එසවිණි
ඇයගේ මරලතෝනිය මැද
පහර පිට පහර ඇණ
මරා දැමුවෙමි..
අප සමගින් විසූ
තෙහැවිරිදි ආදරය ....

Jul 5, 2010

නියාස් මව්ලවිතුමනි, ඔබ නැති අඩුව තුන්හෙළයටම තදින් දැනේවි..




" හොඳ මිනිසුන් ජීවත්වන්නේ කෙටි කාලයකි, ඒ කෙටි කාලයේ ඔවුන් ශතවර්ෂ ගණනාවකට වටිනාදේ ලොවට ඉතිරි කර යයි." යන්න අපට පිළිගැනීමට සිදුවන ධර්මතාවයකි.එම ධර්මතාවට අපට දරාගත නොහැකි මට්ටමේ උදාහරණයක් සම්පාදනය කරමින් ඊයේ උදැසන අල්හාජ් මොහොමඩ් නියාස් මව්ලවි තුමන් මෙලොවින් සදහටම සමුගත්හ.දැන් අප සතුව ඉතිරි වී ඇත්තේ එතුමන්ගේ මතකයන් පමණකි.

සිංහල බෞද්ධයන් වන අපි අන්‍යාගමික යතිවරයෙකුට ගරු කිරීම සම්ප්‍රදායකි. එම සම්ප්‍රදායන්ට එහා ගිය සෙනෙහසකින් අපි එතුමන්ට ගරුකළහ.ඒ හා සමානව අපි ගරුකළ තවත් අන්‍යාගමික යතිවරයාණන් වහන්සේ නමක් වීනම් ඒ ගරු මර්සිලින් ජයකොඩි පියතුමාණන් පමණි. අදටත් එතුමන් හදුන්වන්නේ "පන්සලේ පියතුමා" ලෙසිනි. අල්හාජ් මොහොමඩ් නියාස් මව්ලවිතුමන් ගේ දේශනයක් මා මුලින්ම ශ්‍රවනය කලේ ඉස්ලාම් ආගමික දේශනයක් අවස්ථාවේදීය. අනතුරුව " දොරමඩලාව" එතුමන්ගේ අගය වටහාගත්හ.

ආගමික හා ජාතික සහජීවනය උදෙසා එතුමන් තුල තිබුණු උනන්දුව මා කිසිකලක වෙනත් එවැනි යතිවරයානන්වහන්සේ කෙනෙක් වෙතින් නොදැක්කේය. අන්‍යාගම් පිලිබඳ එතුමන් සතුවුණා වූ දැනුම විශ්මයදනවන සුළුය. විශේෂයෙන්ම අප බුදුදහම පිලිබඳ එතුමන්තුල ගැඹුරු අවබෝධයක් විය. "ධම්මපදය' වැනි ද මෙන්ම පාලි සහ සංස්කෘත ගාථා එතුමන්ට කටපාඩම් විය. එය වනාහි මා අතීතයේ කිසිදු ඉස්ලාමීය යතිවරයාණන් කෙනෙක් වෙතින් නුදුටු මට්ටමේ දැනුමකි. මම එවැනි මට්ටමේ තත්වයක් අනාගතයේ එවැනි යතිවරයෙකු තුලින් දකින්නට අපේක්ස්හාද නොකරමි, ඒ මන්දයත් එතුමන් වන්නෙක් තවත් නොවන බැවිනි

කාතන්කුඩි මුස්ලිම් සංහාරයෙන් ත්‍රස්තවාදය පවතින්නේ සිංහලයන්ට විරුද්ධව පමණක් නොවන බව පෙන්වීමට පෙර පටන්ම මව්ලවි තුමන් ත්‍රස්තවාදය මුලිනුපුටා දමියයුතුය යන ස්ථාවරයේ සිටියහ. එතුමන් ත්‍රස්තවාදයට එරෙහිව ධර්ම අවි අමෝරා සිටියහ. එදා ත්‍රස්තවාදය අවසන්කර සේනාධිනායකයානන් ලක්පොලව සිපගත් මොහොතේ මව්ලවිතුමන් කදුළු වගුරවමින් "සිංහල ඉතිහාසපොතේ " ගීතය ගායනා කළහ. එම සිද්ධිය සිහිවන හැම මොහොතකම මෙන්ම අදද මගේ සිතට මහා කම්පාවක් දැනේ. ඒ මන්දයත් එතුමන් වැනිවූ උතුමා නායකයෙක් අනාගත පරපුර වෙනුවෙන්ද සිටියයුතුව තිබුන බැවිනි. අවාසනාවකට මේ සසර දුකින් කෙටි විවේකයක් ගැනීමට එතුමන්ට සිදුවිය.

ජනපති තුමන් සැම ආගමකටම එකලෙස සලකමින් දියත් කරන ධාර්මික සමාජ වැඩපිළිවලට එතුමන් දැඩි වෙහෙසක් දැරීය. ආගමික උපදේශක වරයෙක් වශයෙන් ඉස්ලාම් ආගම පමණක් නොව සියලුම ආගම් වෙනුවෙන් කැපවුණු එතුමන්ගේ වැඩපිළිවෙල දැකීමට මම පින්කර ඇතුවා නිසැකය. නියාස් මව්ලවි තුමන්ගේ වාග් විලාශයට අපි සැමදා ආදරය කළෙමු. එතුමන් සිටින වියත් මඩුල්ලක්තුල කිසිදු අඩුවක්නම් නොවිය. පසුගිය දිනක ජනපතිතුමන්ගේ ආරාධනාවකට අනුව අරලියගහ මැදුරේ පෝදා ධර්ම දේශනාවකටද නිරහංකාර සිතින් සහභාගීවී සැදැහැවත් බෞද්දයෙක් මෙන් එකත්පස්ව ධර්ම ශ්‍රවනය කළහ.
අප මව්ලවිතුමන්ට ගරුකරන්නේ එතුමන් මේ රටේ උන්නතිය වෙනුවෙන් සැබෑ ජාතිකවාදියෙක් ලෙසින් නොබියව කටයුතුකළ නිස්සවෙනි. එවන්වූ උතුමෙක්ගේ අඩුව තුන්හෙළයටම දරුණුලෙස දැනෙනු ඇත.

මව්ලවිතුමනට එතුමන්ගේ ආගම අනුව හිමි අල්ලා දෙවියන්වහන්සේ සමීපයට යන්නට ලැබේවායි මුළුමහත් ඉස්ලාම් භක්තිකයන් ප්‍රර්ථනා කරනු ඇත. අප ලගින් සිටි කෙනෙකු අහිමි ලෙසින් දුක දැනෙන්නා වූ මේ මොහොතේ බෞද්ධයන් වන අපගේ පැතුම වන්නේ,

මේ රටේ ජනතාව වෙනුවෙන් හදවතින් ඇප කැපවී ක්‍රියාකළ අල්හාජ් මොහොමඩ් මව්ලවිතුමනි ඔබට අජරාමර නිවන්සුව !


Jul 1, 2010

බුද්ධ රතනං....ධම්ම රතනං

අපේ ලොව්තුරා ශාන්තිනායක බුදුරජානන්වහන්සේ පරිනිර්වාණයට ආසන්න මොහොතේ කුසිනාරාවේ මල්ල රජදරුවන්ගේ සල් උයනේ සැතපී ඉන්නවා. උන්වහන්සේගේ ශ්‍රාවකයන් වන ගිහි පැවදි දහස් ගණනක් පිරිවර මේ සන්වේදිදායක දසුන බලන් ඉන්නේ බොහොම කම්පාවෙන්.හැමදෙනාටම නිවනට යන්නට මග කියලා දීපු මහාකාරුණිකයන් වහන්සේ තමන්ගේ පිරිවර හැරදමා නිවනට යන්නටයි සූදානම. එත් උන්වහන්සේගේ නිර්මල දහම ශ්‍රාවකයන් අතරට හොදින් ස්ථාපනය කරලයි උන්වහන්සේ මේ ගමන යන්න සූදානම් වෙන්නේ.

කෙමෙන් කෙමෙන් කාලය ගතවුණා. ලොව්තුරා බුදුන්වහන්සේගේ පරිනිර්වාණය වනතෙක්ම ආනන්ද මහා තෙරුන් වහන්සේ අරහත් භාවයට පත්වී සිටියේ නෑ. ආනන්ද තෙරුන් ඒ මොහොතේ බුදුහාමුදුරුවන් සමීපයටම වී සිටිය. එත් බුදුරදුන්ට මේ කිසිවක් දැනුනේ නේ. ආනන්ද තෙරුන්ට තිබුණු ලොකුම ගැටලුව තමන්ගේ රහත් භාවය පිළිබඳව නොවෙයි. ආනන්ද තෙරුන් කල්පනා කල බුදුන්වහන්සේ වැඩසිටිනා කාලය තුල ධර්මය හා විනය පිලිබඳ ගැටළු වලට උන්වහන්සේ ධර්මයෙන්ම අගනා පිළිතුරු ලබාදුන්සේක. නමුත් උන්වහන්සේ පිරිනිවනට සැරසෙයි.

ආනන්ද තෙරුන් සම්මා සම්බුදුන් අසලට වැඩි සේක. උන්වහන්සේ බුදුරදුන අමතා කතා කළහ." බුදුරජානන් වහන්ස, ඔබ වහන්සේ පිරිනිවන් පෑ පසු අප ලෝකයාගේ ධර්ම හා විනය ගැටළු සඳහා කෙසේ පිළිතුරු ලැබෙයිද ? ඔබ වහන්සේ සමතැන්හි තැබීමට සුදුසු කෙනෙක් නැත්තාහ එසේනම් මින් ඉදිරියට අපේ සාසනයට ඔබවහන්සේ වන්නෙක් කොහින්ද?

මහාකාරුණිකයන් ආනන්ද තෙරුන්ගේ ගැටලුව මැනවින් වටහාගත් සේක. උන්වහන්සේ ආනන්ද තෙරුන් අමතා මෙසේ දේශනා කළහ.
"ආනන්ද මා හා සමතැන්හි තැබීමට කෙනෙක් ඇත..එනම් මා විසින් දේශනා කරන ලද්දාවූ ශ්‍රී සද්ධර්මය හා විනය දේශනාවන්ය..එබැවින් නොතැවෙන්න ආනාන්දයනි මා වැඩසිටි සමයෙහි මෙන්ම ..මා නැති කලද ධර්ම හෝ වේවා විනය හෝ වේවා ගැටළුවක් පවතීනම් එය මා දේශනාකළ ධර්මය අසුරුකරන් විසදීමට හැකිවනු ඇත..ඒ සද්ධර්මය තරම් මා සමතැන්හි තැබීමට වෙනකිසිවක් සුදුසු නොවෙති..එබැවින් එම ධර්මය මනාකොට පිළිපදින්න.."

Jun 29, 2010

පාපන්දුවේ සුපිරි සටන..අපේ ඇසින්




පාපන්දු ක්‍රීඩාව යනු ලෝකයේ ජනප්‍රියම ක්‍රීඩාව බව අපි කව්රුත් හොදින්ම දනී. කෙටි කාලයකින් ප්‍රතිපල ලැබෙන බැවින් කව්රුත් මෙම ක්‍රීඩාවට දැඩි කැමැත්තක් දක්වති.බොහෝ දෙනෙක් මේ පාපන්දු ක්‍රීඩාවට දක්වන ආසාව උන්මාදයක් බවට හරවාගෙන තිබේ.

කෙසේවෙතත් මෙවර ලෝක කුසලාන පාපන්දු සටන පැවැත්වෙන්නේ දකුණු අප්‍රිකාවේය. එය අප්‍රිකාවට ලෝක කුසලාන සත්කාරකත්වය හිමිවුණා පළමු අවස්තාව වේ. ගියවර ශූරයන් වුන ඉතාලිය අනුශූරයන් වුන ප්‍රංශය සහ සත්කාරක දකුණු අප්‍රිකාව ඇතුළු ප්‍රබල ගනයේ කණ්ඩායම් රැසක් මේ වනවිට තරඟාවලියෙන් ඉවතට විසිවී ඇත. එය තරඟාවලියේ උණුසුම තවත් වර්දනය කරන්නකි.

මෙවරත් දක්ෂ පාපන්දු තරු රැසක් පිටියට අවතීර්ණ වී ඇත. ඉන් බොහෝදෙනෙක් නවකයන් වේ. තරුණ ජවය ක්‍රීඩාවට මැනවින් ලැබීම එහි උන්නතියට විශාල දායකත්වයකි. අවසන් කණ්ඩායම් 8 තරග බිමට පිවිසෙන ඉදිරි දින කීපය ලෝකයේම හදවත් නතර කරන දින කීපයක් වේවි.

එදා සුපිරි පාපන්දු ක්‍රීඩක පෙලේ කීවේ මෙය "ලස්සන ක්‍රීඩාවක්" කියාය. ඉතින් මෙහි ලස්සන විදගන්න ලොවපුරා කොටි ගණනක් එකතුවීම පුදුමයක් නොවෙති