Dec 23, 2012

නුඹ සහ මා උපන් නගරය අතර..මා අතරමංව


හිමින් සීරුවේ ලයමඩල පසාරු කරන සුසුම් වැල් අද කොතරම් කුරිරුද යන්න සිතෙන නිමේෂයක්. එක පැත්තකින් එන හීන හුළඟත් ඇඟට කොච්චර වදයක් වෙලාද. ජීවිතේ මංසලක අතරමං වෙලා..ඒක හුදෙකලාව දීපු තෑග්ගක්ද දඬුවමක්ද හිතාගන්න බැරුව.

“මම ඔයාට ආදරේද නැද්ද මම දන්නේ නෑ...“

“ඔව්...කියන්න“

“ඒත් මම ඔයාට ගොඩක් කැමතියි...ඒ අවුරුදු ගාණක් තිස්සේ මම ආදරෙන් වචනයක්වත් නොකිව්වත්...ඔයා මටම ආදරේ කරන නිසා...“

“හ්ම්ම්“

පිටකරන්න සුසුමකට වඩා දෙයක් හිතේ තිබුණේ නෑ.

“මම මේ නගරෙට ආස නෑ..මම දන්නෑ ඒකට හේතුව“

හිතට දැනුනේ මහ පුදුමයක්. මම මගේ හදවතෙන් ආදරය කරන නගරයට මම හදවතින් ආදරය කරන කෙනා අකමැතිවීම. දෛවයේ එක්තරා අභියෝගක්.සරදමක්ද මන්දා.

Dec 22, 2012

ලෝක විනාශ දිනය 2012.12.21 “ඇතැමෙක්“ ගතකල හැටි


ලෝක විනාසය ගැන මතිමතාන්තර එන්නට පටන් ගත්තේ අද ඊයක නොවේ. ඉස්සර වල්ගාතරුවක් දුටු සැණින් පෘතුවි වැසියෝ ලෝක විනාසයක් ලඟ එනබව පවසමින් පිස්සු නැටූ කාලයක් තිබුණි. නමුත් අපි අපේ ජීවිත කාලයේම වල්ගාතරු කීපයක් දුටුවෙමු. ඒත් ලෝකයට සිදුවුණ කෙංගෙඩියක් නැත. මෙවර ලෝක විනාශය ගැන කතාන්තරය මතුවෙන්නේ මායාවරුන්ගේ ශිලා දින දර්ශනය 2012.12.21 න් අවසන් වීම යන සාධකය කේන්ද්‍ර කරගෙනය. මීට වර්ෂ ගණනාවකට පෙර සිටම මේ ගැන කතා පොත්,සඟරා සටහන් සහ චිත්‍රපට පෙන්නා මිනිසුන්ගේ ඔලුව විකාර කර තිබුණි. කොතරම් ප්‍රබුද්ධ දෙසුම් දෙසුවත් බොහොමයක් දෙනෙක් මේ පසුවුණු ලෝක අවසාන  කතාවට බියවූ බව සහතිකය. ඒ අතරින් එදිනෙදා මට හමුවෙන සහ විස්තර දන්නා ඇතමෙක් ලෝක විනාසය සිදුවෙන බවට කටකතා පලවූ දිනය වූ පසුගිය 21 වැනිදා ගතකල විදිය සඳහන් කල යුතුමය.

   අපේ අසල්වැසි මුත්තා කෙනෙක් සිටියි. ඔහුට දැන් වයස 75 කටත් ලඟය. දැන් බරටම පින් කරන මුත්තා කෙනෙක්ය. මරුවා පෙනෙන විට පින් සොයා මෙලෝ සිහියක් නැතිව දුවන පුරුද්ද යෙහෙන් පුරුදු වූ කෙනෙකි. 

Dec 16, 2012

ආදරය ගැන කෙටි යෙදුම් සමග රොමැන්ටික් ඔපෙරාවකට මාතර සූදානම්

කසුන් කල්හාර ජයවර්ධන. එක පැත්තකින් ලාංේය සංගීතයට මෑතකාලේ එක්වුණු වෙනස්ම මාදිලිේ ගායකයෙක් මෙන්ම සංගීතඥයෙක්. ඔහුේ ගීතවල තිබෙන වෙනස්ම රසයට ොබ බඳින පිරිසක් ඔහු වා එක්වෙලා ඒ ගීත රසවිඳිනවා. 
ඒ රසවින්ඳනයට තල්ලුවක් දෙන්නට
ඒ වේම මානුෂික කාරණයකට
සිංහලෙන් කියනවනම් පින් අේ වැඩකට යන කාරණා දෙකකට
කසුන් කල්හාර පලවෙනි වතාවට මාතරට ගෙන්නවනවා..

ගෙන්නන්ේ රුහුණ සරසවිේ කළමණාකරණ හා මූල්‍ය පීඨ ශිෂ්‍ය සංගමය විසින්..
අරමුණ පසුගිය දිනක සරසවි මිත්‍රත්වයට මෙන්ම සමාජයටම අහිමිවුණු සදාදරණීය සිසිත ප්‍රියංකර සෝදරයා වෙනුවෙන් නිර්මාණය කරපු අරමුදල තර කිරීමට.
මෙම අරමුදලෙන් දැඩි අසරණභාවයට පත්වෙලා ඉන්න ඔහුේ පවුේ අයට මූල්‍යමය හව්හරණක් දෙන්න රුහුණ සරසවිේ අපි එකතුවුණා..
ඒ සත්කාරයට විතරක් නෙවෙයි
සිංහල සංගීතේ නූතන රැඩිකල් ලකුණ
කසුන් කල්හාරේ ගීත රසවින්දනයට
නාලක අංජන කුමාර ඇතුලු වාදක වෘන්දේ සත්සර මුසුවට
සුන්දර හැන්ඳෑවකට අවස්ථාව
දකුේ හැෝටම ලැබෙනවා..

Dec 9, 2012

අහසේ අද්භූත එළියක්...දැක්කාද?


වේලාව - සවස 6
ස්ථානය - වැල්ලවායට නුදුරු ගම්මානයක ගැමි ගෙදරක්

සුමනදාස ඇඟපත හෝදගෙන ඇවිත් කුස්සියේ හිරමනේ වාඩිවොල හාමිනේ එක්ක ටිකක් කාත කර කර හිටියා. දවසෙම හේන් කොටලා මහන්සිවෙලා ඇවිත් හවහට ටෙලිවිෂන් එක ඉස්සරහ වාඩිවෙන්න කලින් සුමනදාස හාමිනේ එක්ක  ටිකක් කතාබහ කරන්න අමතක කරන්නේ නෑ.

“වැස්සට මොකෝ හාමිනේ තාම පොලව කට්ට වගේ“

“ඒකත එහෙමද..තාම පොළව පෙඟිලා නැතුව ඇති..“

“වෙන්ටැති හාමිනේ...“

“ඒ වුණාට පොලවේ සාරෙ අඩුවක් නැතුව ඇති  නේද?“
“ඔව් ඔව් ඒකනම් එහෙමයි“

ඒත් එක්කම සුමනදාසගේ ලොකු කොළුවා බෙරිහන් දෙන හඬ ඇහුණා එලිපත්ත පැත්තෙන්

“තාත්තේ...තාත්තේ පොඩ්ඩක් එන්නෝ....“

Dec 8, 2012

පාරේ බැහැලා යන්න බැරි වාහනේ

“දුවේ දුවේ..ඉක්මණට ගෙදර වරෙන්...අන්න අප්පච්චි වහ බොන්න හදනවා...“

උදේම කාර්යාලයට ආපු දුවට ගෙදරින් ආපු දුරකථන ඇමතුමත් එක්ක තරු පෙනුනා. උදේ ගෙදරින් එද්දිත් ගෙදර නොහිටපු අප්පචිචිට ගෙදර ආපු ගමන් වහ බොන්න හිතුනේ ඇයි කියලා දෝණි කල්පනා කලා. කෙටි නිවාඩුවක් අරගෙන කාර්යාලයෙන් පිටවෙලා දඩිබිඩියේ ගෙදර එන ගමනුත් දෝණි කල්පනා කලේ ඒක.

රාජ්‍ය සේවයේ කීර්තිමත් සේවා කාලයක් හමාර කරලා ඉසිඹුලමින් ගෙදර ඉන්න අප්පච්චි පහුගිය දවසක එකතුකරපු සල්ලිවලින් ත්‍රීවීල් එකකුත් ගත්තේ ගෙදර පාවිච්චියට. මෙච්චර දේවල් කරාට අප්පච්චිට වහ බීලා මැරෙන්න තරම් දෙයක් වුනේ නෑ කියලා දෝණිට හොඳටම විශ්වාසයි. තමන්ගෙන්වත් එහෙම නරක විදියේ අපවාදයක් ආවේ නැති බවත් දන්න නිසා දෝණිට හිතාගන්න බැරිවෙලා තිබුණේ වෙන්න යනදේ.

Dec 2, 2012

පව්කාර ස්ත්‍රියට ගල් ගසන පව් නොකල උන්...


මෙරට වෙසෙන ඇතමුන් පවසන්නේ මෙරට නිදහස් නිවහල් රාජ්‍යයක් ලෙසය, තවත් සමහරුන් මෙය ප්‍රජාතන්ත්‍රවාදය අතුරුදහන්වූ වල්බිහිරි බිමක් ලෙස අර්ථ දක්වති. කෙසේ නමුත් මෙහි සම්මිශ්‍රණය වන නිදහස් නිවහල් රාජ්‍යක් තුල ප්‍රජාතන්ත්‍රවාදය අතුරුදහන්වීම යනු රටක ජනතාවට මුලිනුත් දෙවනුව පාලන තන්ත්‍රයටත් දැඩි හානි සිදුවන සිදුවීමක් බව මතක තබාගත යුතුය. එසේ සිදුකරන්නේ ජනතාව හෝ පාලන තන්ත්‍රයනම් එය පාරාවලල්ලක් වී තමන් දෙසටම කැරකෙන බවද  සිතේ තබාගත යුතුය. නාමික ප්‍රජාතන්ත්‍රවාදී රාජ්‍යයකට කොටුවී සිටින බුද්ධිමතුන් නිහඬවීමත්, සාවද්‍ය මතිමතාන්තර මත මාධ්‍ය පැවතීමත් අතීතයේ මහා රාජ්‍ය කඩාවැටීමේ පෙරනිමිති වූ බව අපගේ මතකයේ තවමත් රැඳී පවතී.

   වර්තමානයේ ලංකාවේ අධිකරණය සහ ව්‍යවස්ථාදායක අතර උත්තරීතරභාවය පිළිබඳ ගැටළුවක් ඇතිබව බොහෝ පුවත් වාර්තා වල සඳහන් වෙයි. මම ලොක්කා...නැතිනම් මමයි ලොක්කා කියා දෙපාර්ශවයම ක්‍රියාකාරකම් වලින් සහ වාචික හරඹයන්ගෙන් කුලල් කා ගන්නා තත්වයකට පත්ව තිබේ. එවැනි තත්වයක් තුල තමන්ගේ කාර්යභාරය කුමක්ද යන්න මේ පාර්ශව දෙකම අමතක කර ඇත. රටක් වශයෙන් ඉදිරියට යාමට මෙය බාධාවක් පමණක් නොව ප්‍රජාතන්ත්‍රවාදය පිළිබඳ ලෝකයට ඔවා දීමට පෙර තම කිල්ලොටය පිලිබඳ සැලකිල්ලක් දක්වන ලෙස දෙන රතු ආලෝකයක් වැනිය.

Nov 11, 2012

අයවැයට පසු ආ Prison Break


වැලිකඩ බන්ධනාගාරය හරි සුන්දර තැනකි.රැඳවියන්ට මෙන්ම නිලධාරීන්ටද සුන්දර බව එක ලෙස දැනේ. ඇතැම් රැඳවියන් එයින් පිටව යන්නට කිසිම කැමැත්තක් නැත. ඇතමුන් බැරිම තැන පිටව යන්නේ බන්ධනාගාර නිලධාරීන් බදාගෙන හොටු පෙරාගෙන අඬමින්ය. එය මෙරට බන්ධනාගාර ඉතිහාසයේ සුවිශිෂ්ට ලකුණකි. හිටපු හමුදාපතිතුමන්ද වැලිකඩ සිටින සමයේ ඔහු කොතරම් මොරාල් පිට හිටියාද යන්නෙන් මෙය තවත් ප්‍රත්‍යයක්ෂ වනවා නොවේද.

    බන්ධනාගාර නිලධාරීන් බුල්ත් විටක් කද්දී එයින් කොටසක් රැඳවියන් ට ලබා දෙන්නේ බියකට නම් නොවේ. ඒ සහෝදරකමටය. ඔවුන් හැමදිනකම රැකියාවට එද්දී දකින්නේ “සිරකරුවෝ මනුෂ්‍යයෝය“ යන පාඨයයි. එය දකින නිලදරුවන්ට තනියම බුලත් විටක් කද්දී,අඩියක් ගහද්දීත් එය මතක්වීම සාමාන්‍යය. එවිට නෙතට නැගෙන කඳුලක් නිසාම රැඳවියන්ටද එයින් කොටසක් දීමට අමතක නොකරති. රැඳවියන්ද තමන්ට ලැබෙන “විසිට් එකෙන්“(කවුරුන් හෝ රැඳවියෙන් බැලීමට පැමිණෙනවිට රැගෙන එන දෑ) කොටසක් නිලදරුවන්ට දෙන්නේද එබැවින්. එසේම ඒකාකාරී රැකියා ජීවිතයෙන් මිදීමට නිලධාරීන් සිරකරුවන් සමග සිටින්නේ “මොත්තයෙන්ය“(සරල වචනයෙන් “ෂේප් න්‍යායෙන්“ය). එබැවින් සිරකරුවන්ට වැලිකඩ ගෙදර වගේ බව සත්‍යයකි.

Nov 7, 2012

ගී මිහිර 5 වැනි පටිගතකල වැඩසටහන - කලකින් ගලන ගී මිහිර


ගී මිහිර 5 වැනි පියවර ගෙන එන්නේ හතරවැන්නේ සිට බොහොම කාලෙකට පස්සෙයි. විවිධ වූ කාරණා නිසාවෙන් නොහැකිවූ පස්වැනි පියවර මෙලෙසින් ගෙන එන්නේ ගී මිහිර ඉදිරිපත් කල යුතුමයයි දැනෙන තරමට භාෂාවට,ගීතයට සහ සංස්කෘතියට කරන හිංසනය පිළිබඳ අධික පිළිකුලකින් යුතුවයි. එවැනි හරසුන් වැඩසටහන් විශාල වශයෙන් ප්‍රතික්ෂේප කරන සමයක ඒවාට විකල්ප ලෙස සුභාවිත ගීතය රසනංවන ගී මිහිර වැඩසටහන නැවතත් ඔබ වෙත ගෙන එන්නට තීරණය කලා.

   අද ගී මිහිර පෙල ගැසෙන්නේ මෙසේය

Nov 5, 2012

කියවන්නෙක්ගෙන් ලද ලිපියක්...


අද උදෑසන දෛනික විද්‍යුත් ලිපි පරික්ෂාව සිදුකරන විට මගේ විද්‍යුත් ලිපි ගබඩාවට අලුත් මෙන්ම නන්නාඳුනන්නෙක්ගෙන් ලිපියක් ලැබී තිබිණි. කියවූ විගස මුලින් දැඩි කලකිරීමකුත්, පසුව සැනසිල්ලකුත් පසුව යථාර්ථය පිලිබඳව ඇල්මකුත් ඇතිවිය. එබැවින් අනන්‍යතාව හෙලි නොකර අදාල ලිපිය ඔබට ඉදිරිපත් කිරීමට තීරණය කලෙමි.

අයියේ,

මම අයියගේ බ්ලොග් එක දැන් අවුරුද්දකට වඩා කාලෙක ඉඳන් කියවනවා. අයියගේ බ්ලොග් එක හොඳයි..ඇත්තටම මට කියවන්න හොඳයි..මම හිතන්නේ අයියා දැන් අවුරුදු දෙකකට වඩා කාලයක් බ්ලොග් ලියනවා නේද? ඒත් බලන්නකෝ අයියගේ බ්ලොග් එකේ විසිට්, රෑන්ක් අඩුයිනේ මාරෙට..ඒ මොකද ඒ. අයියා එච්චර කල් බ්ලොග් ලියලත් ඇයි කට්ටිය මේකට නොඑන්නේ..අයියා බ්ලොග් එක ප්‍රොමෝට් කරන්නේ නැද්ද..මම හිතන්නේ අයියා ඒක ගැන හිතුවොත් හොදයි.

Nov 4, 2012

ඔබාමා සහ රොමේනි..නැතිනම් දෙදෙනාම..


මෙම ලිපිය ලිවීමට අදහස් කලේ මීට ටික දිනකට පෙරයි. නමුත් කාලීන හේතු සාධක සහ ලෝක පොලිස්කාරයාගේ මැතිවරණ උණුසුම ඉක්මවා ලාංකේය ජන සමාජය තුල හටගත් විවිධ කාලීන සාධක හේතුවෙන් ප්‍රමුඛතාව දෙක දක්වා මෙම ලිපිය වැටීම හේතුවක් විය. කෙසේ වූවත් මෙම ලිපිය නැවත රචනයට ප්‍රධානතම හේතුවක් වූයේ රාජගේ ඔබාමාට ලියුමක් මැයින් රචිත අපූරු ලිපියත් සමගය. එබැවින් නැවතත් ජාත්‍යන්තර දේශපාලනය දෙසට මා නැවතත් තල්ලු කිරීම වෙනුවෙන් රාජ්ට මගේ කෘතඥතාව පිරිනැමිය යුතුය. එසේම මේ දිනවල ඇමරිකානු ඡන්ද සටන පිළිබඳව නිරතුරුවම මගේ මතය විමසන මාගේ සහෘදයන්ටද මා ලෙංගතු ප්‍රණාමය පිරිනැමිය යුතුය.

   මා කතාකල යුත්තේ ඇමරිකාව පිළිබඳව හෝ ඇමරිකානු දේශපාලනික තත්වය පිළිබඳව නොව. එහි දේශපාලනික විචල්‍යයන් මගින් ලංකාවට එල්ලවන බලපෑම කුමක්ද යන්න පිළිබඳවය. අප කෙලෙසින් දුරස්ථ භාවය හෝ ලංකාවේ භූමි ප්‍රමාණය හා ආර්ථික තත්වය සලකා එක්සත් ජනපදය වෙතින් ලංකාවට සෘජු බලපෑමක් එල්ල නොවෙතියි උපකල්පනය කලත් විමලසිරි ගම්ලත්ගේ(විමල් වීරවංශ) කෝකටත් තෛලය “ආධිරාජ්‍යවාදී කුමන්ත්‍රණ“ සංකල්පයෙන් බැහැරව මේ පිළිබඳ අර්ථ ගැන්විය යුතුය.

Nov 3, 2012

ලද හැමදේටම වඩා නොලද එක් දෙයක් අගනා බව...


ගැලයිපෝස් අවන්හල නිතර යන එන යාවජීව සාමාජිකයන්ගෙන ගහන සුප්‍රකට තැනක්. සවස් යාමයට මධුවිතෙන් තොල් තෙමට බහුතරයක් පිරිමි අය.එයිනුත් බහුතරයක් උසස් රැකියාවල නියුතු මහත්මාවරුන්. එත් ඒ ඇත්තන් හවස හෝරා ගණනාවක් තිස්සේ ඇතිපදම් වෙරි වෙන්නේ කුමන කාරණයකටද කියලා ගැලයිපෝස් හි පුටු මේසවත් නොදන්නා කාරණයක්. ඒ හැමෝටම හේතු තිබුනා. සතුටට, දුකට, වෙනසකට, පීඩනයට, තිබහට. මේ හැමෝම විවිධ කාරණා මත අවන්හලේ යාවජීව සාමාජිකයන් වුනු අය. ඇතමෙක් රාත්‍රිය වෙනකම් මධුවිතෙන් මත්වෙලා නිවසට යාගන්න බැරිව අවන්හලේ සුඛෝපභෝගී කාමරයකම රෑ ගත කරලා බරවුණු හිසින් පසුවදා අවදිවන්නන්.

   ගැලයිපෝස් අවන්හලට එදා හවසත් හවස් වුනා. පුටු මේස අතරේ වීදුරු ඉහල ගණයේ මධුවිතෙන් පිරිලා පෙන දමමින් එහෙට මෙහෙට සද්දෙන් හුවමාරු වෙද්දි ඒ හැන්දෑව ගෙවිලා ගියා. ඒත් එක් මහත්මයෙක්. සම්පූර්ණ යුරෝපා ඇඳුමෙන් සැරසුනු තරුණ මහත්මයෙක් තවමත් සුරා භාවිතය නතර කරලා තිබුණේ නෑ.

Nov 2, 2012

හිත ගිය තැන මාලිගා දැක ඇත්ද? ප්‍රශ්නාර්ථයක් නැගී නැද්ද?


උදේ ඉඳන් රෑ වෙනකම්ම එහෙ මෙහෙ යන සමාජ වටපිටාව තුල දකින දේවල් ගැන පොඩ්ඩක් හිතන්න ඉඩක් තමයි මේ වෙන්කරන්නේ. ඔබ දැකලා ඇති මේ වගේ දේවල්. දැකලා තියද පට්ට ලස්සන කෙල්ලෝ පට්ට කැත කොල්ලෝ එක්ක ආදර සබඳතා පිහිටුවාගෙන බෙල්ලේ අතේ පයේ එල්ලිලා යනවා. ඒ වගේම පට්ට ලස්සන කොල්ලෝ අමු කැත කෙල්ලො අතේ පයේ එල්ලගෙන යනවා. මහ පාරේ මේ වගේ දේවල් දැක්කම අපිට දැනෙන කාරණා කීපයක් තිබෙනවා. ප්‍රායෝගික සත්‍ය විදියට ගත්තොත්
  • තදබල ඊර්ශ්‍යාවක් ඇතිවීම
  • අදාලා කැත කොල්ලා/කෙල්ල සමග දැඩි වෛරයක්.
  • එවැනි ලස්සන කෙල්ලන්ගේ/කොල්ලන්ගේ තේරීම් සහ රුචිකත්වය පිලිබඳ කුතුහලයක් සහ කලකිරීමක්.
  • එවැනි ලස්සන කෙල්ලෙක්/කොල්ලෙක් ඒ ආකාරයෙන්ම අතේ පයේ එල්ලාගෙන යාමේ ආශාවක්.
  • අදාල කැත කොල්ලා/කෙල්ල කොතරම් වාසනාවන්තද යන හැඟීම.

Oct 31, 2012

අන්තෝජටා බහීජටා මැද “හුටා“ කියනොවුණේ මන්ද මෙතෙක්


මා විසින් සයිබර් අවකාශය සහ දේශීය මෙන්ම විදේශීය සිංහල මුද්‍රිත මාධ්‍ය ප්‍රකාශන කීපයක් අරඹයා ලේඛනයේ යෙදෙමින් සිටි සිරිලංකාවේ වත්මන් තත්වය අලලා ලියවුණු “ඇත්තකියන්නන්ට ගල් ගැසීමේ න්‍යාය“ නැමති ලිපිය ප්‍රසිද්ධියට පලකිරීමට පෙරාතුව නිවස තුලින්ම මතුවූ දැඩි විරෝධය සහ වාරණය හේතුවෙන් අකුලාගන්නට සිදුවිය. එසේ කුටුම්භය තුලම වාරණයකට හේතුවූයේ අන්කවර කරුණක්වත් නොව තවදුරටත් නිවැසියන්ට මා යහතින් ජීවත්වනු දැකීම අවැසි වූ නියාවෙන්ය. ඔවුන්ගේ පොදු මතය වන්නේ රටේ අතිබහුතරයක් දෙනා මෙන් දෙන දෙයක් කා වෙන දෙයක් බලාගෙන සිටීමේ න්‍යායට අනුගතවන ලෙසයි. එය සඳහා උත්සහයක නිරතවීමේ පොරොන්දුව මත ලේඛනයකට නැවත අවස්ථාව සම්පාදනය කරගත්තේ බලධාරීන් විසින් කපාදැමූ මාතෘකා සීමාවෙන් පිට රචනයේ යෙදෙන පරිද්දෙන්ය.

Oct 25, 2012

ප්‍රින්සිපල් කර්නල් වූ පසු නාට්‍යයේ හොඳම කොටසයි


විදුහල්පතිතුමා කර්නල් වී ඇත. එය හරිම අපූර්වජනක සිදුවීමකි. යුද්ධය කාලයේ ගෙදරටවී කකුල් දෙකත් උඩ තබාගෙන හැමදාම පත්තරේ කියවූ විදුහල්පතිතුමා අද කර්නල්ය. එයනම් මාරය. ඊටත්වඩා මාරම දෙය  වන්නේ තුවක්කුවේ කොකා කොහෙදවත් හරියට නොදන්නා විදුහල්පති තුමා කර්නල්වීමය. දැන් දැන් අපේ රට නූතන fantasy පුරය නිසාවෙන් මේවා සාමාන්‍ය දේවල්ය. කෙසේ වෙතත් කර්නල් පට්ටම ලැබූ ප්‍රින්සිපල් විද්‍යාලයට සම්ප්‍රාප්තවීම ඉතාමත් ඉහලින් සිදුවිය. වෙනදා තොරණ් ගසා සාම්ප්‍රදායික නැටුම් නටා මහ ඉහලින් කරන පිලිගැනීමේ උත්සව වෙනුවට මෙවර ගුරු සංගමයේ නවතම යෝජනාවක් අනුව ආචාර සමාචාර දැක්වීමේ උලෙලක් සංවිධානය කෙරිණි. ගුරුවරුන් සියල්ලම ළමයින් සමග එක්වී ආචාර පෙලපාලිය සංවිධානය කෙරිනි. විදුහල්පති තුමා එදා කර්නල් සූට් එක පිටින් විද්‍යාලයට ආවේ ඩිපෙන්ඩරයක හිටගෙනය. වෙනදා මග යන්නට පණ නැතිව වැනි වැනී ඉස්කෝලේ දොරටුවෙන් එන විදුහල්පතිතුමා එදා ආවේ කෙලින් හිටවූ පුවක් ගහක් මෙන් සෘජුවය. බලන්නට බැරිතරමට අභිමානය බේරෙයි. මූණේ හිනා මානයකවත් නැත. 

Oct 24, 2012

කසාවත සහ බැට් පිත්ත


අපේ අම්මා දනට පිනට බොහෝම බරය. එබැවින් ඇය තමන්ගේ ජන්ම දිනය දා තම දෑතීන්ම පිලියෙල කල දක්ෂිණාව සංඝගත කිරීමේ වගකීම මට පැවරීය. එයට සහයට ලඟ ඥාතියෙක්වන ගුණසේන මාමා ද කැටුව යන්නට තීරණය කලෙමි. 

“හාමුදුරුවෝ කී නමක්ද?“

“දහ නමක්“

ගුණසේන මාමා ඇසූ පැනයට අම්මා පිලිතුරු දුන්නේ භක්තියෙනි. එය අසා ගුණසේන මාමාගේ නලලද රැලි වැටුණි.

“දැන් එහෙනම් දාන දෙන්නත් ලේසි නෑ..මේ ගමේ ඉන්න දුප්පත් මිනිස්සු එදා වේල හොයාගන්නෙත් අමාරුවෙන්..කොහොමද මන් දන්නේ නෑ හාමුදුරුවෝ දහනමකට දානේ දෙන්නේ...“

අම්මා කතාකලේ එයට විරුද්ධවය.

“ඒ වුනාට ඉතින් මේ ගෙදර මහ මිනිස්සු ඉන්න කාලේ ඉඳන් දීපු මාසේ දානේනේ..ඒවා එහෙම කියලා අතාරින්න පුළුවන්ද“

Oct 21, 2012

රෑ සමනලියකගෙන් පාර අසාගෙන..


දුර ගමන් සේවා රාත්‍රී බස් රථයේ මගීන් තරමක ප්‍රමාණයක් අසුන්ගෙන සිටියහ. කීපදෙනෙක් හැරෙන්නට අන් සියල්ලම පසුවූයේ නින්දේය. නින්ද නොයන අය අතර මා මෙන්ම මගේ මනසද විය. පසුවන වීදි පහන්  ආලෝකය සහ නිවෙස්වල මන්දාලෝකය හැරෙන්නට සිතිවිල්ලකට පාදක වන යමක් අවට නොවීය. අධික වේගයෙන් ගමන් ගන්නා බස් ර ථ යේ අඩක් විවෘත කවුලුවෙන් ගලන සීතල වාත ධාරාව හිරගඬු පිපෙන තරමට දරුණු විය. බස් රථය නිසොල්මනේය. මා අසුනේ අනෙක් පස වූයේ යුවතියකි. පැහැපත් රුවකින් හෙබි විචිත්‍රවත් ඇඳුම් ආයිත්තමින් සැරසි ඇය කොහි යන්නේදැයි නොදන්නෙමි. මා බසයට ගොඩවන විට ඇය අසල අසුනින් වාඩිවූ බව පමණක් මතකයේ  රැඳී ඇත. ඇයද නිසොල්මනේ මද දුරක් ගමන් කල අතර අවධානය රැඳුනේ කවුළුවෙන් පිටතටය.

   බසයේ සිටි ඇතැම් පිරිමින් ඇය දෙස වුවමනාවටත් වඩා බලන අයුරු දුටුවේ එක් වරක් දෙවරක් නොවේ. බොහොමයක් පිරිම කාර්යාල සේවය නිමවී අගනුවරින් නික්මෙන පිරිස් බවට අනුමාන කල හැකි විය. මෙම බස් රථය ඔවුන්ට හුරුපුරුදු බව පෙනුනේ ඔවුන්  අසුන්ගෙන සිටිනා අයුරින්මය. මෙම බසය තුල සිටි එකම කාන්තාව ඇය නොවුණි එසේම එකම තරුණියද ඇය නොවුණි. නමුත් ඔවුන් ඇය දෙස වරින් වර බැල්ම හෙලන අයුරු නෙත් කොණෙන් මාද දුටිමි. මට එය කුකුසක් ඇ ති කල හැකි කරුණක් විය. 

Oct 20, 2012

හන්තාන සිසිල දුන් එකම එක සිව් වසර



හන්තාන ගැන පේරාදෙණිය ගැන බොහොමයක් සාහිත්‍යධරයන් අතින් ලියවුණු නිර්මාණවල බරිත සාමාන්‍ය අගය ගෙන බැලුවම හන්තාන කියන්නේ නිර්මාණයකට කොතරම් සුන්දර වස්තු බීජයක්ද කියලා ඕනෑම හිතකට වටහා ගන්න පුළුවන්. ප්‍රේමය හෝ වේවා සෞන්දර්ය හෝ වේවා හන්තානට උරුම වෙන්නේ වෙනස්ම ආකාරයකට. එයටම අනන්‍ය ආකාරයකට. ඈත තියාම උදෑසන මීදුම් සළුවේ දැවටෙන හන්තාන දැක්කම කෙනෙක්ට හිතන්න පුළුවන් කඳුකරයට උරුම ගස් වැල් කටුපඳුරු වලින් වැහිලා ගිහ පස් කන්දක් මෙච්චර ආදරය හෝ සෞන්දර්ය වපුරන්නේ කොහොමද කියලා. ඒක තමයි භෞතික විඳීමකට වඩා ආධ්‍යාත්මික විඳීමක ප්‍රබලත්වය. භෞතිකව විඳින දේවල් වලින් නොලැබෙන තෘප්තිය ආධ්‍යාත්මිකව විඳින්න පුළුවන් කියන එකට හන්තාන හොඳ සාධකයක්.

   පේරාදෙණියේ සරසවිය තුල නිතර ඇස ගැටෙන පෙම් කතාවලට තුන්වෙනි පාර්ශවයක් විදියට හන්තාන නොගැටෙන්නේ බොහොමත් කලාතුරකින්. මෙහෙම හන්තානේ සුන්දරත්වය සිය පෙම්කතාවට මුසු කරන ආදරණීය හිත අතරින් කීයෙන් කීයක්නම් විතරක්ද ජීවිතය පුරාවට භෞතිකව රැඳෙන්නේ. වැලිගම ප්‍රදේශයේ දරුවන්ට සිප්සතර උගන්වන පේරාදෙණිය සරසවියේම උගත් වැලිගම “තුන්වෙනි පරපුර“ සංවිධානයේ හිතවත් රුවින් බුද්ධික සහෘදයා තුන්වෙනි පරපුර සංවිධානයේ නිල සඟරාව වන “ප්‍රබුද්ධ ලංකා“ සඟරාවට මෙවර අපූරු ලිපියක් එක්කරලා තිබුණා. එයින් කියවුනේ ආදරය යනු වෙන්ව ගිය පසු දැනෙන දෙයක් බවයි..ඔබ එයට විරහව ලෙස නම් යෝජනා කරන්නට පුළුවන්. රුවින් දකින විදියට ආදරය යනු සැබෑ ලෙසම වෙන්ම ගිය පසු දැනෙන දෙයකි. ලොව අමරණීයව ඇත්තේ වෙන්ව ගිය ආදර කතා මිස එක්වුණු කතා නොවන බව ඔබ දන්නවා ඇති, එසේම ආදරය සදාකාලික වන්නේ එක් නොවුණහොත් බව සම්මත ප්‍රකට කියමනකි.

Oct 10, 2012

නොකියවූ Che සහ කියවූ Che



හරිත විප්ලවය පොත රාක්කයේ තිබුණත් හමුදාවෙන් හෝ පොලීසියෙන් අත්අඩංගුවට ගෙන දසවද දුන් කාලයක් තිබුණි. එම යුගයේ “චේ“ යනු ත්‍රස්තවාදියෙකි. ජනතාවගේ කෝණයෙන් ඒ කාලයේ සිටියේ “චේ ගුවේරා කල්ලිය“. ජනතාවට පිරභාහරන් සහ චේ ගුවේරා අතර වෙනසක් නොදැනුනි. ඒ මන්ද චේ දර්ශනය ලංකාවට රැගෙන ආ නියෝජිතයන් ලංකා මායිමේදී චේ කෙලසා දමා වෙන යමෙකුට පණදී තිබුණ බැවින්ය. නමුත් ලංකා සමාජයේ එවකට සිටි සීමිත පිරිසක් ලංකා මුහුදු සීමාවේ වැටෙන් එපිට ලෝකය පිලිබඳ අවබෝධයක් සහ දැනුමක් සහිතව සිටි අතර ඔවුන්ට චේ පිළිබඳව ස්වචින්තනයට අනුගත වූ අවබෝධයක් විය. එම නිසාවෙන් ඔවුන් “චේ“ දුටුවේ වෙනස් ආකාරයකටය, එසේම මෙරට පන්ති දේශපාලනයේ නිරතවූ පිරිස් “චේ“ දුටුවේ තම ගුරුවරයා කියූ ආකාරයටය. 

   එකල එහෙන් මෙහෙන් රහසේ හුවමාරු වූ පොත් සහ පත්‍රිකාවල “චේ“ ගේ  ඡායාරූප දුටු ඇතමෙක් දුටුවේ පිස්සෙක් වගේ රැවුලක් වවාගෙන මිලිටරි මාදිලියේ තොප්පියක් පැලඳගෙ, තඩි සුරුට්ටුවක්ද කටේ ගසාගෙන උජාරුවෙන් සිටින විදේශිකයෙක් ලෙසයි. මෙම සෑම ජන චින්තනයකටම පාහේ සාධාරණ හේතුවක් තිබුණි. නමුත් වර්තමාන  සමාජයට “චේ“ හැදෑරීමට වුවමනාවටත් වඩා සම්පත් පවතී. නමුත් එසේ සම්පත් තිබියදීත් “චේ“ දර්ශනයේ අල්පමාත්‍රයක්වත් මීට දශක දෙකකට තුනකට පෙර කාලයේ තරමටවත් හැදෑරීමට සහ අනුගමනයට සමාජය හුරුවී නැත්තේ ඇයිද යන්න විශාල ගැටළුවකි.

Sep 25, 2012

“නච්ච දා කව්“ - කාව්‍ය ගෙත්තම ඔබට..

සිංහල සාහිත්‍ය තුල බොහෝ කාව්‍ය කෘති බිහිවී ඇත. සිංහල සාහිත්‍ය යේ ස්වර්ණමය යුගය ලෙස සැලකෙණ කලිකාලසාහිත්‍ය,සර්වඥපණ්ඩිත සවැනි පැරකුම්බා රජ සමයේ නිර්මාණය වූ තරම් සාහිත්‍ය නිර්මාණ කවර කලෙකවත් මේ සිරිලක බිහිවී නැත. එසේම බෞද්ධ සාහිත්‍ය සහ ශිෂ්ටාචාරය යොදාගනිමින් සිංහල සාහිත්‍යය තුල බිහිවූ නිර්මාණද අදත් මහා වෘක්ෂ මෙන් අප අතර ශේෂව පවතී, සැළලිහිණි,පරවි,කෝකිල වැනි සඳැස් කාව්‍ය..කුස ජාතකය ඇසුරෙන් රචනා කල “කව්සිළුමිණ“ මෙන්ම සඳ කිඳුරු දා කව වැනි කාව්‍ය නිර්මාණ මෙකල්හිද නිර්මාණ කරුවන්ට අභියෝගවන මට්ටමට පවතී. තාක්ෂණය හෝ කිසිම සාධකයකින් දියුණු වූවත් අදටත් අපේ නිර්මාණ කරුවනට එම නිර්මාණ පරයා යමක් කල නොහැකි බව පිළිගත යුතුය.

  බෞද්ධ ඉතිහාසය පදනම් කරගෙන නිර්මාණයක් බිහිකිරීම වෙනුවෙන් කලක පටන් පැවති ආශාවක් ඉටුකරගනිමින් “නච්ච දා කව“ යන මෙම කාව්‍ය කෘතිය විද්‍යුත් ඊ- පුස්තකයක් ලෙස අද ඔබට මෙලෙස ගෞරවයෙන් පුදකරමි. “සබ්බ දානං ජිනාති ධම්ම දානං“ යන කියමනට අනුව සැම දානයකට වඩා උතුම් ධර්ම දානය පිරිනමනු වස් ජාතක කතා පොතේ එන “නච්ච ජාතකය“ පදනම් කරගෙන ලියන ලද කාව්‍ය කෘතියක් ලෙස මෙය ඔබට තිළිණ කරන්නෙමි.

Sep 21, 2012

“සඳ දුටු සඳ“ විඳින්නට එනු සබඳ..

“පේරාදෙණියේ ගස් ගල් පවා කිව සිතුවිලි උපද්දවද්දි ඒ පරිසරය තුලින් බිහිවුණු ඉරංගා තුලින් ඒ නිර්මාණාත්මක හැකියාව මතුවීම පුදුමයක් නෙවෙයි..“ මේ කතාව ඇහෙන්නේ මීට තෙවසරකට කලින්. ඒ ඉරංගා සචින්තිකා යද්දෙහිගේ නම්වූ සොඳුරු කවි චින්තනාධාරිණියගේ කුළුඳුලු පුස්තකය “බැඳි නොබැඳි බැවි“ දොරට වැඩමෙව් අවස්ථාවේ ප්‍රවීණ සාහිත්‍යධර රත්න ශ්‍රී විජේසිංහ මහත්මයාගේ මුවින්. ඒ කතාව කොතරම් සත්‍යද යන්න එතන හිටපු බොහෝ දෙනෙක් හොඳින් දැනගෙන හිටියා. එයට දිගුවක් එක්වන මොහොතක..නැතිනම් වෛද්‍ය ඉරංගා සචින්තිකා යද්දෙහිගේ තමන්ගේ සාහිත්‍ය නිර්මාණ පොකුර තවත් සුගන්ධවත් මලකින් තර කරන මොහොතේ යමක් නොලියා ඉන්න හිත ඉඩදෙන්නේ නෑ. 

   “සඳ දුටු සඳ“ පොත ගැන ඉරංගා සහෝදරිය මුලින්ම මාත් එක්ක කතා කරන්නේ “බැඳි නොබැඳි බැමි“ පොත ප්‍රසිද්ධියට පත්කරලා මාස තුන හතරකට පස්සේ. පලමු පොත එලිදැක්වීමත් එක්ක හිතට දැනුණු සැබෑ සංතුෂ්ටිය සහ තෘප්තිමත්භාවය එක්ක ඇයට තවත් එයට එහා ගිය නිර්මාණයක් කරන්න කියලා දිරිගැන්වීම් අනන්තවත් ලැබුණා.. එහෙම ලැබුණු ආරාධනා අතරතුර දිනක් වෛද්‍ය ඉරංගා “සඳ දුටු සඳ“ කෘතිය වෙනුවෙන් කරපු පලමු නිර්මාණය තමන්ගේ හඬින්ම මගේ ඉදිරියේ ඉඳන් කියවපු වෙලාවේ මම කියපු එකම දේ “අනිවාර්යයෙන්ම අක්කේ මේ පොත ඔයාට කරන්නම වෙයි..මොකද නැත්නම් ඔයා හඳ දිහා බලාගෙන කරන මේ නිර්මාණ ටිකම දවසක ඔයාට කරදර කරාවි..“ මේ වචන ටික බොහොම කෙටි කාලයකින් යථාර්ථයක් වෙයි කියා නොහිතූ බවනම් සත්‍යයි. මොකද ඒ සමයේ කවි පොතක් මෙන්ම නවකතාවක් ද රචනය කරමින් හිටපු නිසාවෙන් ඒ දෙකෙන් කුමක් ඉස්සර වෙයිද යන්න මට හිතාගන්නට බැරිවුණු නිසා. නමුත් “සඳ දුටු සඳ“ ඉස්සර වෙලා.

Jul 28, 2012

අසාධ්‍ය ලෙඩාගේ අන්තිම ඉල්ලීම

කාලෙකට පස්සේ අහපු කතාවක රසය දෙන්න හිතුවේ ටිකක් ලේ පිරිසිදු කරගන්න එක්ක. මොකද මේ දවස්වල රටේ වාතාවරණය නිසාවෙන් ගොඩක් අය ඉන්නේ පිපිරි පිපිරි.ඉතින් කාලීන හා සමාජ මෙන්ම කලාව සම්බන්ධ ලිපිවලින් ටිකක් එපිටට ගිහින් සාමාන්‍යකරණීය කරපු කතාවක් ඉදිරිපත් කරන්න හිතුවේ ඒකයි. මේ කතාව සමහරවිට අහලත් ඇති, මගේ කණට ඇහුණෙත් ටිකක් කාලෙකට ඉස්සර. මෙන්න මේකයි කතාව. එක තරුණයෙක් හිටියලු බොහොම මහන්සියෙන් අලුත් රැකියාවක් එහෙම හොයාගෙන බොහොම ධෛර්ය සම්පන්නව මාසෙට ගාණක් හොයාගෙන  ජීවත් වෙන. ඉතිං දවසක් මේ තරුණයා කාර්යාලයේ වැඩකරගෙන හිටිද්දි දුරකතන ඇමතුමක් ආවලු තරුණයාගේ ගෙදරින්, ඒ පණිවුඩයෙන් කිව්වේ මේ තරුණයාගේ ලඟම ඥාතී කෙනෙක් වෙන මාමා කෙනෙක් අසාධ්‍යවෙලා රෝහලේ ඉන්නවා කියලත් ඒ මාමට මේ තරුණයා ඉක්මණින් මුණගැහෙන්න ඕන කියලත්. මේ පණිවුඩේට තරුණයා ටිකක් කලබල වුනා. මොකද මේ මාමා තරුණයට බොහොම ආදරෙන් සලකපු කෙනෙක්.කොහොම වුනත් තරුණයට මේ මාමාව බලන්න කාලෙකින් යන්නත් බැරිවෙලා තිබුණේ. අන්තිමට තරුණයා රෝහලේ මාමා ඉන්න කාමරේට ගියා.

  මාමා බලාගන්න හිටපු කීපදෙනා තරුණයා එක්ක කතා කරලා මේ තරුණයාට මාමව බලන්න ඉඩ දුන්නා.

“මේ දැනුත් අංකල් ඔයා ආවද කියලා ඇහුවා..“

Jul 21, 2012

ගී මිහිර - 4 වැනි වැඩසටහන ( සුමියුරුතම රේඩියෝ අත්දැකීම)


අද “ගී මිහිර“ වැඩසටහනේ 4 වැනි පියවර. බොහොමයක් දෙනාගේ අදහස් උදහස් මැදින් ගී මිහිර තව තවත් පෝෂණය වෙමින් ඉදිරියට ගමන් කරනවා. එසේම “ගී මිහිර“ වැඩසටහනට දැනට ඕස්ට්‍රේලියාවේ සිට විකාශය වන “තිසර“ ගුවන් විදුලි නාලිකාවෙන්ද ආරාධනයක් ලැබී ඇති අතර නුදුර දිනකදී “ගී මිහිර“ වැඩසටහන ලෝකය පුරා අන්තර්ජාලය මූලික කරගත් සිංහල ගුවන් විදුලි නාලිකා අතර ඉදිරියෙන්ම සිටින “තිසර“ ගුවන් විදුලිය හරහාද විකාශනය වනු ඇති.

  අද ගී මිහිර දිගහැරෙන්නේ බොලිවුඩ් සිනමාවෙන් මෙන්ම ජීවිත සිනමාවෙන්ද සමුගත් සැබෑ සුපිරි තරුව රාජේෂ් ඛන්නා ගේ ජීවිතය සහ ඔහු රංගනයෙන් දායක වු සොදුරු ගීත වල සිට සිංහල ගීතයට රසමීවිත සැපයූ මිල්ටන් මල්ලවාරච්චි ගායකයානන් දක්වාය. 

Jul 20, 2012

බුදුන් සිව්වෙනි වරටත් සිරිලක්දිව රිදීගමට වැඩමකල අසිරිය...

දිනය 2001 වර්ෂයේ මාර්තු 16 වැනිදාය. එදා ඇෆ්ගනිස්ථානයේ අන්තගාමී ත්‍රස්තවාදී තලේබාන් සංවිධානය සිය මුරණ්ඩු ප්‍රතිපත්ති නැවත වරක් ක්‍රියාත්මක කරමින් ඇෆ්ගනිස්ථානයේ ශේෂව පැවති ඉපැරණි ප්‍රධානතම බෞද්ධ උරුමය වූ “බාමියන්“ බුදු පිලිම විනාසකර දැමුවේ මුළු ලොවක් බලා සිටියදීය. එය නතර කර ගැනීමට කිසිඳු පාර්ශවයකට නොහැකිවිය.(එහි දිට්ඨධම්මවේදනීය කම්ම තත්කාලීනව ක්‍රියාත්මකවී ඇත) ලොව පුරා බෞද්ධ මෙන්ම අබෞද්ධ ජනකොට්ඨාශ පවා ඒ දෙස බලා සිටියේ මහත් ශෝකයෙන්ය. එදින ශ්‍රී ලංකාද්වීපයේ කුරුණෑගල පෙදෙසේ රිදීගම, රම්බඩගල්ල මොණරාගල විහාරයේ නායක හිමියන්වන එගොඩමුල්ලේ අමරමෝලී ස්වාමීන්ද්‍රයන් පවා ඒ දෙස බලාසිටියේ කළකිරුණු සිතිනි. නමුත් උන්වහන්සේ හිතට වෛරය ආරෝපණය කර නොගත්හ. සවස් භාගයේ රම්බඩගල්ල ගමේ දායකයන් මේ පිළිබඳ දැනගෙන ලොකු හාමුදුරවන් මුණගැහෙන්නට ආවේ වැඩිදුර මේ පිළිබඳ තතු දැනගැනීමටය. උන් වහන්සේ තමන් දන්නා පරිදි සිදුවීම ගමේ දායකයන්ට පහදාදුනි. ඒ අසාසිටි ගමේ පොඩි කොළුගැටයෙක් උන්වහන්සේට මෙසේ කීය..

Jul 19, 2012

සන්තාප මාවත...[කෙටි කතාව]

මම තකමස්තු නගරේ ගිනිගහන මද්දහන වෙලාවේ වුවත් නෙත් සිත දෙකම යොමු වුනේ කිලෝමීටර සීයකට නොවැඩි දුරින් පිහිටි තොකුෂිමා නගරය දිහාවට. ඒ නගරය කොතරම් සැමරුම් දරනවද අපි දෙන්නගේ. නක්හිරුගේ සොඳුරු ඇස්දෙක මුලින්ම දැක්කේ හිම වැටෙන කාලෙක සකුරා බලන්න තොකුෂිමාවේ පා ගමන් චාරිකාවේ යද්දි. තාමත් දස දහස් ගණන් දෙනා තොකුෂිමාවේ පාද චාරිකාවේ යෙදෙනවා ඇති සකුරා බලන්නට, ඒත් අපි දෙන්නගේ ඇස් මුණ ගැහේවිද ආයෙමත්. තකමස්තු නගරයේ  මහල් හතලිස්පහක ගොඩනැගිල්ලක  විසි දෙවනි මහලේ පුද්ගලික කාර්යාලය තුලින් පෙනෙන ඈත් ඉසව්ව දෙස බලාගෙන මොෂුරි කල්පනා කලා.

“ඔයා හිතන්නේ ජීවිතේ හරි සුන්දරයි කියලද?...ඒ සුන්දර බව මැද්දේ තියෙන කටුක බව මගේ ජීවිතය දවනවා..“

හරියටම දවස් කීපයකට කලින් අන්තිම වතාවට දුරකතන ඇමතුමක් දීපු නක්හිරු කතාකලේ ඉකිබිඳින වදනකින් නෙවෙයි. බොහොම ස්ථිරසාර කටහඬකින්.

Jul 17, 2012

හේමකුමාර නානායක්කාර The Rising

හේමකුමාර නානායක්කාර යනු ශ්‍රී ලාංකේය දේශපානයේ කලින් කලට විවාදාත්මක තීරණ මෙන්ම පියවර ගන්නා චරිතයකි. එසේම ඒ තීරණ බොහෝවිට පවතින දේශපාලන ප්‍රවාහයට දැඩි බලපෑම් එල්ල කරන්නා වූ සාධක වී ඇති බව දේශපාලන ඉතිහාසපොත පෙරලීමේදී අවබෝධකරගත් හැක. ගාල්ල දිස්ත්‍රික්කය කේන්ද්‍රකරගත් සිය දේශපාලන ගමන්මග තුල ජනතාව අතර සිට ප්‍රායෝගිකව පොලවේ පයගසා දේශපාලනය කල පුද්ගලයෙක් ලෙස හේමකුමාර වට දේශපාලනිකමය වශයෙන් ස්ථාවර කාඩර්වරු පිරිසක් බිහිවී තිබීම ඔහුගේ ප්‍රධානතම ශක්තිය වේ. එක්සත් ජනතා නිදහස් සංධාන රජය බිහිවී එය ශක්තිමත් වෙද්දී ජනපති දෑත් සවිමත් කිරීමේ අභිලාෂයෙන් එතෙක් කල රැඳුනු කොල පැහැ සාටකය අත්හැරි හේමකුමාර එජාපයට පිවිසෙන්නෙත් වාමවාදී දේශපාලනික බෞතීස්මයෙන් අනතුරුව මතවාදීමය ගැටළු නිසාවෙනි.

Jul 14, 2012

ස්ත්‍රී දූෂණ රැල්ල කොතනටද?



රැල්ලට යාම යන ක්‍රියාපදය සාමාන්‍යයෙන් ආසියාතකි රටවලට වඩාත් පොදු ලක්ෂණයකි. මෙහිදී රැල්ලට යාම ලෙස හඳුන්වන්නේ එක්තරා විශේෂ සංසිද්ධියක්(අවධානය දිනාගන්නා) සිදුවූ පසු එය පසුපස තවත් එවැනිම සංසිද්ධීන් ගණනාවක් ඇදීයාම නැතහොත් සිදුවීමයි. මෙයට හේතුව වන්නේ පුද්ගල ආකල්ප ද නැත්නම් වෙනත් සාධකද යන්න අතීතයේ සිටම සමාජ විද්‍යාඥකයන් පර්යේෂණවල යෙදෙන්නාවූ ක්ෂේත්‍රයකි. මේ දිනවල ලංකාව පුරා සතර අතින් ඇසෙන ස්ත්‍රී දූෂණ සිදුවීම වැලද රැල්ලට යන්නක්ද යන්න මුලින්ම සොයාබැලිය යුතුය. විශේෂයෙන්ම මෙම රැල්ලට අඩුවයස්වල කුඩා ගැහැණු දරුවන් හා තරුණියන් හසුවීම තුල සමාජ විපර්යාසයකට මගපෑදෙන්නාවූ කාරණයක් වී තිබීම මත මේ පිළිබඳ සොයාබැලීම ඉතා වැදගත ්ය.

     මින් පෙර මෙවැනි රැලි ගැන අප විමසා බැලිය යුතුය. නුදුරු අතීතයේ පැවති “ග්‍රීස් යකුන්ගේ“ සිදුවීමද මෙවැනි එක සිද්දියකි, එසේම ඒ හා සමාන නොවුනත් “ආසනික්“ සිදුවීම, “බුද්ධරූපවලට බුදුරැස් පෙනීම“ සහ අතීතයේ “හංදිවල සිටි නින්ජාවරු“ දක්වා මේ සිදුවීම දිගුවන බව මතක තබා ගත යුතුය. බොහෝමයක් සිදුවීම ලංකාව තුල මහාවිපර්යාස ඇතිකල සිදුවීම්ය. මෙහිලා ග්‍රීස් යකුන්ගේ සිදුවීම මෑත කාලීනව ඉතාමත් පෙරලියක් සිදුකල සිදුවීමකි. නමුත් වර්තමානය වන විට එම රැල්ල අවසන්ව ඇති අතර එම සිදුවීම බොහොමයක් අදාල සිද්ධිවලට ප්‍රායෝගිකව මුහුණ දුන් ඇත්තන්ට පවා අමතකව ඇත.

Jul 13, 2012

෴ “ගී මිහිර “ 3 වැනි වැඩසටහන ෴(සිංහල රේඩියෝවේ මිහිරිම අවකාශය)


ගී මිහිර රසික සහෘද ප්‍රතිචාර මැදින් දැන් සෙමෙන් එහෙත් සොඳුරු ගමනක යෙදෙනවා. අන්තර්ජාලය ඔස්සේ විකාශනයවන ගීත වැඩසටහන් අතර වෙනස්ම ආකාරයේ රසයක් ශ්‍රාවක ඔබ වෙත තිළිණ කරන වැඩසටහනක් විදියට අද “ගී මිහිර“ 3 වැන වැඩසටහන ඔබට තිළිණ කරනවා. අද වැඩසටහන තුලින්
  • වික්ටර් රත්නායක ශූරීන්ගේ “ස“ රුහුණේ අවසන් ප්‍රසංගයේ වැඩිපුරම රසික ප්‍රතාචාර ලැබූ ගීතය..
  • “ගී මිහිර“ ලැබූ සොඳුරු ශ්‍රාවක ප්‍රතිචාරයක් පිළිබඳ වචනයක් සමග රසික ඉල්ලීමකට ප්‍රතාචාර...
  • පොප් රජු මයිකල් ජැක්සන‍්ගේ මතකයෙන් බිඳක්..
  • සිංහල බ්ලොග් අවකාශයේ සොඳුරු නිර්මාණයක් පිළිබඳව විවරණයක්...
  • හින්දි සිනමාව දෙසට මෙන්ම හින්දි ගීත රසය දෙසට ගී මිහිරේ බැල්ම යොමුවූ වග...
  • සරසවියේ බිහිවුණු සොඳුරු පෙමක් පිළිබඳ කණට ඇහුණු කතාවක් සංවේදී අයුරකින් විඳින්න ලැබුණු අවස්ථාවක්..

Jul 10, 2012

ආයෙමත් ආදරෙන් - ( අවසාන කොටස)

පසුගිය කොටස් 1  2  3  4  5  6  7  8  9  10  11  12  13  14  15  16


ගතවන තත්පරයක් තත්පරයක් පාසා හිත නොසන්සුන්කමකින් වදදුන්නා, අද හවස තුන වෙද්දි මොනවා වෙයිද ඒ වෙන දේවල් වලට කොහොම මුහුණ දෙන්නද කියලා හිත හරි පැහැදිලි විවරණයක් දුන්නේ නෑ. ඒත් ඊයේ ජිත්මි මාව මුණ ගැහෙන්න හිටියා කියලා කියනකොට එයාගේ මූණේ තිබුණේ එච්චර හොඳ ලකුණක් නෙවෙයි. ඒක හිතේ ලොකු බයක් ඇති කරා. ඔට්ටුව පරදීවිද මම? ලක්ෂෙනම් බල්ලට ගියාවේ..ඒත් ජිත්මි නැතිවුනොත්...ඒ මදිවට අර ගොබ්බයට අයිතිවුනොත් කොහොමද වාවන්නේ..හිත එක එක දේවල් කිව්වා.


“හිතට හයිය ගනින් බං...තව දවස් හයකින් සේරම ඉවරවෙන්න තියන එකේ අද ඒකට එක අඩියක් හරි තියපං...“


සමීර කතාකරලා බොහොම බරපතල වචන ටිකක් කිව්වා. ඇත්ත ඒ කතා සේරම ඇත්ත. හිත බොහොම අමාරුවෙන් ශක්තිමත් කරගෙන හවස ගමන යන්න ගියා.


මාතර බෝධිය පහුවෙද්දි ඉබේම හිතට මොකක්දෝ වෙනසක් දැනුනා. හිතට නැති හයියක් ආවා..

Jul 8, 2012

කාලය සහ සංගීතයට එකතුවන මිහිරියාව - “ගී මිහිර“ 2 වැනි වැඩසටහන්


අද ගී මිහිර 2 වැනි වැඩසටහන. පලමු වැඩසටහන් බොහොම අපහසුතා මධ්‍යයේ අඩු පහසුකම් යටතේ ඉදිරිපත්කරත් එයට ලැබුණු ප්‍රතිචාර හදවතින්ම බාර ගෙන දෙවැනි වැඩසටහනට ඒ අදහස් උදහස් එකතු කරගන්නට හැකිවුණා. අද පලමු වැඩසටහනට ටිකක් එහා ගිය ගුණාත්මකභාවයකින් ගීමිහිර දෙවැනි වැඩසටහන ඔබට මෙලෙස ඉදිරිපත් කරන්නෙමු.

තාක්ෂණක සංගීතය හා ජනසංගීතය එක්කල සෙන්ටිග්‍රේඩ්ස් සංගීත කණ්ඩායමේ සිට 25 වසරක අනුස්මරණ සිහි ගැන්වූ ජෝතිමත් ජෝතිපාලයන්ගේ පැත්තෙන් සමුගන්නට පියවර තබන වික්ටර් රත්නායකයන්ගේ “ස“ දක්වා අද “ගී මිහිර“ පෙල ගැස්වෙනු ඇති.

Jul 7, 2012

ආයෙමත් ආදරෙන් - 16 වැනි කොටස (අන්තිමේදි ආදරේ සහ ඔට්ටුව...)

පසුගිය කොටස් 1  2  3  4  5  6  7  8  9  10  11  12  13  14  15 




“කොහොම වුනත් බන් දැන් කෙල්ල හරියටම උඹේ කටින්ම අහගත්ත නේ..දැන් ඒකි කියන දෙයක් තමයි“

සමීර කෝල් කරපු වෙලාවක කිව්වා. මගේ හිතේ තිබුණේ ඊලඟට මොනවා වේවිද දන්නේ නෑ කියලා. එදා හිතේ  තිබුණු දේවල් වලින් පොඩ්ඩක් හරි ජිත්මිට කියාගත්ත එක ලොකු දෙයක්. නැත්නම් මාස තුනක් ඉවරවෙනකම්ම මම කරපු දෙයක් නැති ගාණයි.

“තව සතියයි බං තියෙන්නේ..මම අද වෙනකං බලන් හිටියේ අඩුම ගාණේ ජිත්මි මට බනීවි කියලාවත්..එහෙම වත් නෑ බං..“

මම කතාකලේ හිතේ තිබුණ ලොකු කළකිරීමත් එක්ක කියලා සමීරටත් තේරිලා තිබුණා. සමීර හැම වචනයක්ම කිව්වේ මගේ හිත හැදෙන්නත් එක්ක වගේ.

Jul 4, 2012

ආයෙමත් ආදරෙන් - 15 වැනි කොටස

පසුගිය කොටස් 1  2  3  4  5  6  7  8  9  10  11  12  13  14 




ජිත්මි කියන නම ඇහෙද්දිත් හිතේ විදුලි කොටන මට්ටමට මම එයාට ආදරේ කරන්න පටන් අරගෙන. ඒත් ඇස් ඉදිරිපිට ටිකෙන් ටික ඒ හීනේ ඈත් වෙලා යනවා, කරන්න කියලා තියෙන හැමදේම කරත් ඒ එක දේකින්වත් ප්‍රයෝජනයක් නැතිවෙලා යනවා.ඒ ඇස්දෙක, හිනාව අමතක කරන්නේ කොහොමද..රුපියල් ලක්ෂයක්නම් ආයෙත් මොනවාහරි කරලා හොයාගන්න පුළුවන් වෙයි..ඒත් ඒ වගේ කෙනෙක්..අනේ මන්දා හිත ගොඩක් අසරණවෙන ප්‍රශ්නයක්.

    නෙත්මි අනිවාර්යයෙන්ම ජිත්මි එක්ක කතාකරන්න ඇති..ඒ කොහොම වුනත් ජිත්මි එක්ක කෙලින්ම කතාකරනවා කියලා මම තීරණය කරගෙන හිටියේ...තව සති දෙකකට වැඩිය කාලයක් නෑ ඔට්ටුව ඉවර වෙන්න..ඔට්ටුවත් එක්ක ආත්ම ගෞරවය, හිතේ සතුට විතරක් නෙවෙයි ආදරෙත් හේදිලා නැතිවෙලා යන්න කලින් කරන දෙයක් තමයි. අපරාදේ කියන්නේ සමීරත් හැමවෙලේම වචනයකින් හරි උදව් කරන්න හිටියා..ඒ හයියත් ගොඩක් වැදගත් දෙයක් වෙලා තිබුණා.

Jun 30, 2012

ආයෙමත් ආදරෙන් - 14 වැනි කොටස ( ආයෙත් ඔට්ටුවට පිවිසීම..)

පසුගිය කොටස්  1  2  3  4  5  6  7  8  9  10  11  12  13 


දැන්නම් ඇඬෙන් සයිස් එකටම තත්තේ බරපතලයි. මෙච්චර දවස් නොහිතුවට, නොදැනුනාට දැන්නම් ඇත්තටම මටත් හිතෙනවා මෙහෙම ගියොත් ඔට්ටුව පරදීවි කියලා..වෙලාවකට හිතෙනවා සමීරයා විකාරෙන් වගේ කිව්වට මේක කුමන්ත්‍රණයක් වගේ කියලත් වෙලාවකට හිතෙනවා. ඒත් ජිත්මි වගේ කෙනෙක් එහෙම කරයි කියලා හිතන්න අමාරුයි... ඒත් සමහර වෙලාවට දෙකට ගණින්න බෑ වගේ ඉන්න කෙල්ලෝ කරන ඒවා දැක්කම විශ්වාස නොකරත් බෑ..කොහොම වුනත් ඔට්ටුව අල්ලලා මාස දෙකක් ගතවෙන්නත් ලඟයි..ඔට්ටුවේ ප්‍රගතියක් නැතිවීම සහ රුපියල් ලක්ෂයක මුදලක් කාබාසිනියා වීම ආසන්නයේ හිටපු මට දැන් කරන්න කියලා දෙයක් නොතිබුණු ගානයි..

“මචං...මේක එහෙම අතෑරලා දාන්න පුළුවන් වැඩක් නෙවෙයි බං..“

සමීර පුරුදු විදියට ඔෆීස් එකේ කෑම වෙලාවේ කිව්වා. ඒත් තත්වේ ගැන තේරෙද්දි තව දුරටත් මේක මත්තේ මැරෙන්න හිතෙන්නෙත් නෑ..ඒ වගේම අතෑරලා දාන්න හිතෙන්නෙත් නෑ.

Jun 27, 2012

“සිරිවර්ධන“ නම්වූ තත්කාලීන බෞද්ධයාගේ මිනුම් දණ්ඩ

සිරිවර්ධන හෙවත් වඳුරඹ මහත්තයා ගැන අලුතින් යමක් කීමට ඉතිරිව ඇතැයි මා සිතන්නේ නැත. එසේම යම් කෙනෙක්ට ඔහු පිළිබඳව වඩාත් තොරතුරු අවශ්‍යනම් මේ දිනවල විද්‍යුත් හා මුද්‍රිත මාධ්‍ය භාවිතයෙන් එය සම්පූර්ණ කරගත හැක. නමුත් මා අදහස් දක්වන්නේ “සිරිවර්ධන නැමති තත්කාලීන බෞද්ධයාගේ මිනුම් දණ්ඩ“ පිළිබඳවයි. මිනුම් දණ්ඩක් යනු යමක් මැනීම නොඑසේනම් ප්‍රමාණ සමීක්ෂණයක් සඳහා යොදාගන්නාවූ පොදු නිරපේක්ෂ මාධ්‍යකි. නැතහොත් අගයකි. එසේනම් සිරිවර්ධන නැතිනම් වඳුරඹ ප්‍රදේශය කේන්ද්‍ර කරගෙන අමුතු ධර්මයක් දේශනා කරන්නාවූ මේ පුද්ගලයා තත්කාලීන බෞද්ධයාගේ මිනුම් දණ්ඩක් වන්නේ කෙසේද?

    අප දන්නා පරිදි වර්තමානයේ බුදු දහම ශේෂව පවතින්නේ රටවල් කීපයක පමණි. එමෙන්ම බුදු දහමේ හර දර්ශනයෙන් සුපෝෂිත ථේරවාද බුදු දහම ඉතිරිව ඇත්තේද රටවල් කීපයක පමණි. එයින් ශ්‍රී ලංකාව විශේෂ ස්ථානයකට පත්වන්නේ බුද්ධ කාලීනව මෙන්ම එයින් පසු සමයන්හීද බුදුදහමේ උන්නතියට කටයුතු කල රාජ්‍යයක් වශයෙන්ය. නමුත් වර්තමානයේ බුදු දහම පවතින්නේ මොන තත්වයේද හෝ කුමන මට්ටමකද කියා මැනීමට මිනුම් දණ්ඩක් නොමැත.

Jun 26, 2012

ආයෙමත් ආදරෙන් - 13 වැනි කොටස ( දිස්නකට මොනවා වෙයිද?)

පසුගිය කොටස්  1  2  3  4  5  6  7  8  9  10  11  12 


ගෙදර ගිහිල්ලා හිටියේ කොහොමද කියලා මතකත් නෑ. පෝය දවසේ සිද්ධ වෙච්ච හැමදේම නිකං හීනයක් වගේ. හිතේ තිබුණු හයිය සේරම කඩන් වැටුණා වගේ වුනා කධිර කැෆේ එකේ දිලූපත් ජිත්මිත් ඉන්න හැටි දැක්කම. අම්මපා මරාගෙන මැරෙන්න හිතෙන්නේ මේ වගේ වෙලාවට තමයි. ජිත්මි දිලූප එක්ක එච්චර කුළුපගව කතාකරනවා දැක්කම නැතිවෙන රුපියල් ලක්ෂෙ ගැන නෙවෙයි නැතිවෙන හිතේ ශක්තිය සහ ආත්ම අභිමානය ගැන පුදුම දුකක් ඇති වුණා. ඔට්ටුව ඉවරවෙන්න මාස දෙකක්ම තියෙද්දි හැමදේම ඉවරවෙලා යන්න හදනවා නේද කියලා හිතෙද්දි හිතට ලොකු අසරණ කමක් දැනෙනවා. මේ වගේ ප්‍රශ්නයක් කතා කරලා විසඳගන්න පුළුවන් මට්ටමෙත් නොවන නිසා තවත් හිතට අවුල්.

    ඒ දවස් කීපෙම මඩිහ පැත්තට ඉරා පෑයුවේ නැති ගාණට ගෙවිලා ගියා. ජිත්මි කීප වතාවක්ම මූණට මුණ ගැහුණත් හිනාවෙන්නවත් මූණ බලන්නවත් හිතක් තිබුණේ නෑ. මම එහෙම යනකොට ජිත්මිගේ මූණේ මොනවගේ විපර්යාසයක් වෙනවද කියලවත් බලන්න මට හිතුනේ නෑ.

Jun 23, 2012

“ගී මිහිර “ - මාගේ කුළුදුල් අන්තර්ජාල ගුවන් විදුලි වැඩසටහන



ඔබ දන්නවා ඇති අද ලංකාවේ බොහොමයක් ගුවන් විදුලි නාලිකා තිබෙනවා, ඒ වගේම අන්තර්ජාලය මාධ්‍ය කරගත් ගුවන් විදුලි නාලිකාත් බහුලව තිබෙනවා. ඒ වගේම ඒවාහි විවිධ මාදිලියේ වැඩසටහන් විකාශය වනවා. ඔබ ඒවා විවිධ කෝණවල සිටි විඳිනවා ඇති. ඒ අතර අසන්නෙක් ලෙසින් රැඳුනු මමද අහිංසක උත්සහයක නිරත වෙන්නට තීරණය කලේ ගුවන් විදුලි මාධ්‍යය පිළිබඳ ඇති ආසාව සහ වසර 6 කට ආසන්න අත්දැකීම්වල එකතුවක් ලෙසින්.


  “ගී මිහිර“ නමින් අද ඔබට ඉදිරිපත් කරන්නේ ඒ උත්සහයේ පලමු පියවරයි. ගී මිහිර යනු හුදෙක් සංගීත වැඩ සටහනකි. මෙම වැඩසටහන් හරහා මා බලාපොරොත්තු වන්නේ ඔබ දන්නා මෙන්ම රසවත් ගීත පිළිබඳව රසමුසු සිදුවීම්, ඒවායේ නිර්මාණය සහ අර්ථය සම්බන්ධ සිදුවීම් හා ගීත සමග බැඳුනු  මාගේ පුද්ගලික අත්දැකීම් මෙම වැඩසටහන මගින් ශ්‍රාවක ඔබට තිලිණ කරයි. එසේම අදාල ගීතද ඒ සමග ඉදිරිපත් කෙරේ. මෙහි විශේෂය වන්නේ සිංහල ගීත වලට පමණක් මෙම වැඩසටහන් සීමා නොවීමයි. බුද්ධිමය රසාස්වාදනයක් උදෙසා යම්තාක් දුරට හෝ මේ වැඩසටහනෙන් දායකත්වයක් ලබාදීම මගේ අරමුණයි.

Jun 22, 2012

ආයෙමත් ආදරෙන් - 12 වැනි කොටස (බලාපොරොත්තු සුන්වීමක පෙරනිමිති..)

පසුගිය කොටස්  1  2  3  4  5  6  7  8  9  10  11 




මහන්සිවෙලා හිටපු වෙලාවක ඒ ලැබුණු තේ උගුර වටින්නේ මහන්සිය නිසාම නෙවෙයි ඒක ජිත්මි අතින් ලැබුණු තේකක් නිසා. ජිත්මි තේක මට දෙන වෙලාවේ ඒ ඇස්දෙක දිහා බැලුවේ අහම්බෙන්. ඒ ඇස් දෙක යොමුවෙලා තිබුනේ තේක දිහාවට.තේක ගන්නත් අමතක වුනා ඒ රත්තරන් ඇස්දෙක දිහා බලන් ඉන්න කොට. කවුරුහරි ඒ ඇස්දෙක දැක්කොත් සත්තයි උන්හිටි තැන් අමතක වෙනවා, ජිත්මිගේ ඒ ඇස්වල මොකක්දෝ බලයක් තිබුණා.

 මම තේ එක අතට ගන්න පරක්කු වුන නිසාද කොහෙද ජිත්මි ඇස්දෙක උස්සලා මගේ මූණ දිහා  බැලුවා. ඒ ඇස්දෙක මගේ ඇස්දෙකට මුණ ගැහුනේ තත්පර කීපයකට. මගේ උගුර කට වේලිලා ගියා ඒ ඇස්වල බැල්මට. අන්තිමට තත්පර කීපයකට පස්සේ මම තේ එක ගත්තම ජිත්මි මම හිටපු තැනින් ගියා.

Jun 19, 2012

ආයෙමත් ආදරෙන් - 11 වැනි කොටස (“දිලූප ඉස්සර වේවිද? “)

පසුගිය කොටස්  1  2  3  4  5  6  7  8  9  10 


 
එදා බස් එකේදී උන දුක් සීන් එක නිසා දවස් ගාණක්ම ගෙවුනේ මැරිලා වගේ. ජිත්මි එක්ක යාළු වෙනවා කියලා අභියෝග බාරගත්තට මොකද සති දෙකකටත් ආසන්න කාලයක් ගෙවිලත් කරපු දෙයක් නෑ. සමීර කියනවා වගේ මේක මෙහෙම කරලා බෑ. මෙහෙම පස්ස ගහලා වැඩකරන තරමට දීලූපට ලකුණු වැටෙනවා වැඩියි. එදා දිලූප බස් එකේ ජිත්මි ලඟින් වාඩිවෙලා එක එක ඒවා කිය කිය යද්දි හිතට ලොකු අපහසුතාවක් දැනුනා. දිලූප කියපු දේවල් ජිත්මිත් අහන් හිටියද කොහේද..ඒත් එයා එක වචනයකින් වත් උත්තර දුන්නේ නෑ. හිතට තියන එකම සැනසුම ඒකයි. බස් එකෙන් බැහැලා යද්දි ගෙදර ලඟදි ජිත්මි එකම සැරයක් මම දිහා බැලුවා. ඒත් ඒ ඇස්වල තිබුණේ මොනවද කියලා හරියට හිතාගන්න බැරිවුණා. එකපාරටම කෙල්ලෙක්ගේ ඇස් කියවලා තේරුම්ගන්න අමාරුයි.

  අද ඔෆිස් එකේ උදේ වරුවේ එච්චර වැඩ තිබුණේ නෑ. කොහොමත් ඩීන් එකේ ඔෆීස් එක කාර්යබහුලවෙන්නේ සතියේ දින කීපයක් විතරයි. උදේ දහයට විතර සමීර කොහේද ඉඳගෙන මගේ මේසේ පැත්තට දුවගෙන එනවා. ඉස්සරහ හිටපු තරුෂිගේ පුටුවෙත් හැපුණා සමීර.

Jun 16, 2012

ආයෙමත් ආදරෙන් - 10 වැනි කොටස

පසුගිය කොටස්  1  2  3  4  5  6  7  8  9 




 සිකුරාදා හවස දෙනියායේ ගෙදර ගිහින් ගොඩක් දේවල් කරන්න වුණා. ගොඩක් කාලෙකින් ගෙදර පේන්ට් කරන්න බැරි වුණ නිසා ගෙදර කට්ටියත් එකතු කරගෙන දවස් දෙකේම කරේ ඒක තමයි. ඒ වැඩ අස්සේ මම දාගෙන තිබුණු මාරාන්තික ලක්ෂයේ ඔට්ටුවත් අමතක වෙලා තිබුණේ. සඳුදා උදේ දෙනියාය ස්ටෑන්ඩ් එකෙන් නැගලා හතරසිංහ බස් එකේ පිටබැද්දර හරිය පහුකරද්දි තමයි ආයෙමත් ඔට්ටුව ගැන හරියටම ඔලුවට ආවේ. කරන්න දෙයක් ඔලුවට එන්නෙත් නෑ. කවදා කාපු ටකරංද මන්දා මේවා. කවදාවත් හරියට ආදරේ කරපු එකක්ද. ඉස්කෝලේ යන කාලෙනම් අර යාළුවෝ ආදරේ කරද්දි නිකං ඉන්න බැරි කමට වගේ පන්තියෙම කෙල්ලෙක්ට ආදරේ කලාට ඒක මෙච්චරම අමාරු වැඩක් වුනේ නෑ. ඒත් මේ ජිත්මි කියන්නෙනම් කිසිම සෙන්සර් එකක් හයි කරපු නැති සර්කිට් එකක් වගේ. මොනදේ කලත් හරියට ට්‍රැක් එකට වැටෙන්නෙම් නෑ. ගහමරාගන්න වගේ හිටපු නෙත්මිත් අද බොහොම හොඳට කතා කරනවා. ඒ දෙන්නගේ අයියයි දෙමව්පියොත් වෙනසක් නැතුව කතා කරනවා ඒත් මේ කෙල්ලට මොන උෂ්ණයක් වැදිලද මං දන්නේ නෑ නෝ කතා නෝ සිනා.