සක්කිලින්ද සිටිති...සිංහල බ්ලොග්කරුවනි මෙන්න එක සක්කිලියෙක් ගැන

මගේ සාමාන්‍ය පුරුද්ද උදෑසනම අන්තර්ජාලය හරහා මා නිතර පිවිසෙන වෙබ් හා බ්ලොග් අඩවි තුලට පිවිසී පුවත් හා විවිධ දේ කියවා උදෑසනින්ම ලෝකය ගැන ලංකාව ගැන දැනුමින් සන්නද්ධ වීමයි. ලංකාවේ දිවයින පත්තරේ සිට ලන්ඩන් ටෙලිග්‍රාෆ් පුවත්පත දක්වාත්.අදදෙරණ වෙබ් අඩවියේ සිට බී.බී.සී පුවත් අඩවිය දක්වාත්. බ්ලෝග් අවකාශයේ නිතර යන එන තැන් වලට පිවිස උදෙන්ම ඇගට අමුතු පණක් ලබාගැනීම පුරුද්ද වී ඇත. අදත් උදෑසනම ඒ වෙබ් අතර සැරිසරන විට අහම්බෙන් දුටු ලින්ක් එකකින් ගිය මට ලිපියක් කියන්නට ලැබුණි.

   එය ලියා තිබු‍ණේ පිටරට ජීවත්වන ලාංකිකයෙක් විසින්ය. ඉංග්‍රීසි බසින් ලියාතිබුණ එම ලිපිය අඩංගු බ්ලොග් අඩවියත් ඔහුගේ බව ඔහු සඳහන් කර ඇත. එසේම එහි පලව තිබුණේ අතේ ඇඟිලි ප්‍රමාණයටත් අඩු ලිපි ගණනකි. එහි අන්තර්ගතය කියවූ මට පොසොන් දවසේ උදෑසනම ඇග රත්කර ගැනීමට හැකිවිය. මගේ ලේ ප්‍රකෝප කල ලිපියේ තොරතුරු සහෘද සිංහල බ්ලොග්කරුවන්ට මෙන්ම පාඨකයන්ටද ඉදිරිපත් කිරීම මගේ යුතුකමක් බව මා තරයේ විශ්වාස කරන අතර එම ලිපියට ලින්ක් එකක් නොදෙන්නේ අදාල ලිපිය ලියූ තැනැත්තාගේ බ්ලොග් අඩවිය හිට් කිරීම නොකලයුතු නිසාය.

  ඔහු සාරාංශගතව කියා ඇති කාරණය නම් සිංහල බ්ලොග්කරුවන් හුදෙක් කමේනට්ස් හා හිට්ස් පිටුපස දුවන්නන් මිස සාරවත් ලිපියක් ලියා පලකිරීමට උත්සහ නොදරන්නන් ලෙසය. එසේ ලිවූ සක්කිලියාගේ ඒ ලිපිය වචන 150කට පමණ සීමා වුණු අතර එහි අන්තර්ගතයේත් සාරයක් නැති බවත් ඇත්තේ උගේ බ්ලොග් එකට පාඨකයන් නොපැමිණ සිංහල බ්ලොග්කරුවන්ගේ බ්ලොග් සොයායාම නිසා ඇතිවුණු පශ්චාත්තාපය නිසා ඇතිවුණු හොටු වැගිරීමක් පමණක්ය. උගේ වැකිවලට අනුව පහත නිගමනයන් කර තිබිණි.

• සිංහල බ්ලොග්කරුවන් එලවන්නේ කමෙන්ට්ස් හා හිට්ස් පිටුපස පමණි.
• සිංහල බ්ලොග්කරුවන් සිංහලෙන් බ්ලොග් ලියන්නේ ඒ සක්කිලියාට මෙන් ඉංග්‍රීසි නොහැකි නිසාවෙන්ලු.
• අන්තර්ජාලය තුල සිංහල බ්ලොග්කරුවා තම බ්ලොගය ජනප්‍රිය කිරීමට ඕනෑම තුප්පහි වැඩක් කරන එවුන් ලෙස.
• සිංහල බ්ලොග් ලිපි අන්තර්ගතය දෙකයි පනහේ ඒවා  බව.
• උගේ බ්ලොගය පාළුවීමට හේතුව සිංහල සිංඩි බව.
• සිංඩි කරුවන්ගේ උත්සහය දෙකයි පනහේ සිංහල බ්ලොග් උස්සා තැබීම පමණක් බව.

මේ කාරණා ටික දකින් ඔබේත් ලේ ප්‍රකෝප වනවා නොඅනුමානය. ඒ සක්කියලියා හිතේ තියන දේ බ්ලොගයේ ලියූ පසු ඒවාට දන්නා ඉංග්‍රීසියෙන් කමෙන්ට්ස් දැමීමට ලංකාවේ සිංහල සක්කිලියන් පිරිසක්ද සිටී. උන්ගේ අදහසත් එයම විය. ඇත්තටම සිංහල බ්ලොග්කරුවන් සිංහලෙන් බ්ලොග් ලියන්නේ ඉංග්‍රිසි බැරිකමට යන්න උපකල්පනය කිරීමට උගේ අවජාතක මොලය සෑහෙන පිටුබලයක් දී ඇත. මෙතරම් අනන්‍ය බසක් තිබියදී හා එවන් අනන්‍ය බසක රසය අතිබහුතරයක් විදෙස් බස රජයන අන්තර්ජාලය තුල පවා පරිශීලනයට යොමුවෙන සිංහලයන් සිටින කල ඉංග්‍රීසියෙන් ලියන්නේ අහවල් ලබ්බටදැයි අවජාතකයාගෙන් ඇසිය යුතුය. අනිවාර්යයෙන්ම ඌ කොත්තු සින්ඩිය බලන එකෙකි. කොත්තු සින්ඩියේ අපේ ඉසව්වද ඇති බැවින් ඒ අමනයා අනිවාර්යයෙන්ම මෙය බලනවා සත්තය. එවිට ඌට දැනෙන්නට කිව යුතු දෙයක් ඇත. එනම් ඌට ඉංග්‍රීසි ලොකු වුනාට අපිට එය හුදෙක් ජාත්‍යන්තර බස පමණක්‍ බවය. ඌට වඩා සාර සහ වියත් බසකින් ඉංග්‍රීසි භාෂාමය බ්ලොග් අඩවි පළකිරීමට හැකියාවක් සිංහල බ්ලොග්කරුවන්ට ඇත. ඉංග්‍රීසි භාෂාමය ඥානයෙන් හා සිංහල භාෂා අලංකාරකල අදහස්වලින් සුපුෂ්ටිමත්ව සිටින්නන්ට ඒවා ටොයිස් වැඩය. එසේ ලියන්නට පටන් ගතහොත් ඒ අමනයාට තමන්ගේ බ්ලොගය ගහගන්නට වෙන්නේ දෙපා අස්සේය. මන්ද එදාට ඒ සාර වියත් ඉංග්‍රීසි ලිපි බැලීමට ඌට ආවඩන අනෙක් කළු සුද්දන්ද යන බැවින්ය. 

  මේ සා අනන්‍ය බසක් තබාගෙන එවන් දේවල් කල යුතු නැත. අපේ අදහස් කියවන්නට තවමත් සිංහලයන් සිටිති. ඒත් සලකා බැලිය යුතු කාරණයක් ඇත.එයනම් මෙසේ සිංහල බ්ලොග්කරුවන්ට පහර දෙන්නේ ඇයි?? පිළිතුරු නම් ඔවුන් සවිමත්වීම.ඔවුන් කණ්ඩායමක් ලෙස හොඳ එකතුවකින් සමන්විත වීමයි. සිංහල බ්ලොග් ජනප්‍රිය කරවීමට උරදුන් දහසක් දෙනාට ඒ අමනයා කල නින්දාවට පිළිතුරු දිය යුත්තේ ක්‍රියාවෙන්මය. අද ලංකාව තුල සිංහල බ්ලොග් ඉදිරියටම පැමිණ ඇත. අවසානයේ දෙරණ පවා සින්ඩියක් ඇරඹුවේ එහෙයිනි. එසේම ලෝකවාසී සිංහලයන් සිංහල බ්ලොග් කියවා ඒවාට අදහස් දැක්වීම.මූණු පොතේ ප්‍රසිද්ධ කිරීම.බස්වල ප්‍රචලිත වීම හා රෑන්කින් වල මුලට ඒම ඒ සක්කිලියාට දරාසිටීමට බැරිය.

  සිංහල බ්ලොග්කරුවන් එකතුවී අවුරුදු උත්සව තියද්දී.විපතට පත්වූ බ්ලොග්කරුවන් වෙනුවෙන් ආධාර එකතුකරද්දී.අවමගුල් වෙනුවෙන් ශෝකය පලකරද්දී අමනයන්ට ඇහේ කටුඅනිනවා වගේය. ඒවාට අපි ක්‍රියාවෙන් පිළිතුරු දෙමු. සිංහල බ්ලොග්කරුවන් එකට සිටින තාක්කල් අනෙක් සක්කිලින්ට දෙයක් කල නොහැක බැවින් ඒ සමගිය දිගටම ගෙනයා යුතුය. ඒ අමනාය වැපිරූ දේවල ඌට ලැබෙනවා ඇත. ඌගේ ද්වේශ සහගත ප්‍රකාශ අඩංගු බ්ලොගය කවදාහරි ගහගන්නට වෙන්නේ මා කලින් සඳහන් කල තැනමය.