ලෝකේ ලොකුම වැරදි දෙක

මිතුරන් දෙදෙනෙක් අවන්හලක පොඩි කතිකාවක නිරත වෙමින් හිටියා. දෙන්නගේ මාතෘකාව වුණේ වර්තමාන ලෝකය පිළිබඳවයි. දෙදෙනාම කතාකලේ ලෝකෙට වෙලා තියන වින්නැහිය ගැනයි. කොහොමහරි කතාව බොහොම දුරදිග ගියා. විවිධ මාතෘකා යටතේ විවිධ අන්තවලට කතාව ඇදිලා ගියා.

"උඹ දන්නවද මචං ලෝකේ තියන ලොකුම වැරදි දෙක මොකක්ද කියලා?"

අනිත් මිත්‍රයා ටිකක් කල්පනා කරලා ඔළුව වනලා දන්නේ නෑ කිව්වා.

"නෑ මචං.."

හීන් හිනාවක් දාපු පලවෙනි මිත්‍රයා ආයෙත් කතා කරන්න පටන් ගත්තා.

"පලවෙනි වැරැද්ද තමයි මචං ලෝකේ මෝඩ මිනිස්සුන්ට ආයුධ දීපු එක"

දෙවනි මිත්‍රයා ඒක අනුමත කලා.

"ඒක ඇත්ත මචං...ලෝකේ භාගයක් ප්‍රශ්න වලට හේතුව ඒක තමයි...එතකොට අනික් වැරැද්ද මොකක්ද බං?.."

පලවෙනි මිත්‍රයා කෙළිලොල් හිනාවක් දාලා උත්තර දුන්නා.

"අනික් වැරැද්ද තමයි බං මේ ලෝකේ ගෑණුන්ට ෆෝන් දීපු එක.."

ඒකට හිනාවෙන්න ගිහින් අනිත් මිත්‍රයා බොමින් හිටපු එකත් මොලොස්සේ ගියා.

"ඒක නම් සහතික ඇත්ත මචං...ලෝකේ අනිත් ප්‍රශ්න වලට හේතුව ඒක තමයි..මොකද දෙකෙන්ම වෙන්නේ එකම හානියනේ"

(ඔන්න ඉතින් ඔබතුමීලා සහ ඔබතුමීලා වෙනුවෙන් කතාකරන ඔබතුමන්ලා මට පරිභව කරලා වැඩක් නෑ හොඳද..හැබැයි පොඩ්ඩක් ගැඹුරින් හිතලා බැලුවම කතාවේ වැරැද්දකුත් නෑ)