2012 සොඳුරු නිමේෂයක සිංහල බ්ලොග්කරුවන්ගේ ගාලු ආගමනය...සතුටින් නිමවිය..

කලක පටන් සිංහල බ්ලොග්කරුවන් රාශියක් එකට එකතුවෙලා වින්දනා ත්මක අවකාශයක සිසිලස විඳින්න ආසාවෙන් සිටියත් එයට අවස්ථාවක් නොලැබුණා.නමුත් ඒ අවස්ථාව සිංහල බ්ලොග් අවකාශයේ ප්‍රවීනයන් හා නවකයන් රැසකට අද විඳගන්නට ස්වර්ණමය ඉඩකඩක් ලැබුණා. ඒ අද ගාල්ල රූමස්සල වෙරළ ප්‍රදේශය කරගෙන පැවති 2012 සිංහල බ්ලොග් කරුවන්ගේ ගාලු හමුව නිසාවෙන්. එහි උණුසුම පහව යන්නටත් කලින් එහි සොඳුරු මතක ගෙන එන්නට “අපේ ඉසව්ව“ ට හැකිවීම එම සුන්දර අත්දැකීම විඳීමෙන් ලද පන්නරය බව සඳහන් කල යුතුමය.

නිශ්චිතව සඳහන් කරපු වෙලාව වුණු උදෑසන 8 ට ගාල්ල නව බස්නැවතුම හා දුම්රිය නැවතුම යාකරන පාලම මතට දකුණ නියෝජනය කරන බ්ලොග්කරුවන් රාශියක් එක්වුණා. ඒ අතර සංවිධාන කටයුතු සිදුකල පොඩි මෑන්(රිද්ම), බනියා(අනුෂ්ක..බනියා නම අද දිනට තහනම් වූ බැවින්) පැමිණ කටයුතු අරඹා තිබුණු අතර නොවැලැක්විය හැකි හේතුවක් මත කිඩෝ මල්ලිට සහභාගිවීමට නොහැකිවීම කාටත් කණගාටුදායක කාරණයක් විය.මන්ද මෙය සංවිධානය කිරීමේදී කිඩෝ ඉතා වැදගත් කාර්යභාරයක් ඉටුකල බැවිනි. ඒ අතරම දකුණ නියෝජනය කරමින් පසුගිය ගාලු හමුවටද සහභාගීවූ ප්‍රාර්ථනා, හිමහංසි ද එක්ව සිටියහ. ඒ අතරම අමුතුම හා අලුත් චරිතයක්ද විය. එනම් මෙතෙක් කලක් සැඟවී සිටි මන්තර කාරී මං හෙවත් නදීකා අක්කාය. එයත් සුවිශේෂී අත්දැකීමක් විය. එසේම ඉන්දරේ, රෙප් මහත්තයා,සමිල,මහිම සමග තවත් බොහෝ දෙනෙක් එතන විය. ඒ අතරම බුකියේ දැඩි මඩ ප්‍රහාරයකට ලක්වූවත් දැඩි කැපවීමකින් බන්ඩාරවෙල සිට(අලි ගැට පේර නැතුව) පැමිනි යසන්ත මල්ලී හා මා සමගින් යසන්තට මඩ ව්‍යාපාරය දියත් කල චිරාන්ද හම්බන්තොට නියෝජනය කරමින් පැමිණ සිටියහ.

පැමිණි පිරිස් ලේඛනගත කිරීම හා මුදල් කටයුතු ප්‍රාර්ථනාගේ පින්බර දෑතින් සිදුවීම ඉතා ශෝචනීය විය. ඒ අතර උදේ පාන්දරම බඩ සමග විරසක වූ පිරිස් කඩවලට රිංගා සිටීම නිසා කටයුතු මදක් පමාවිය.

අභීත අයියා ඇතුලු පිරිස එක් බසයකිනුත්, රාජ් අයියා ඇතුලු පිරිස තවත් බසයකිනුත් පැමිණීමට නියමිත බැවින් ගාල්ලට රැස්වූ සියලු දෙනා මාතර බසයක නැගී රූමස්සල හන්දියට යාමට පිටත් විය.බනියා හා රිද්ම වතුර ඇදීමට ගොස් අතුරුදන් විය.

රූමස්සල හන්දියේදී ගයාන් කල්හාර සහ පාදඩයා ලියන ශෂික එක්විය.පසුව අභීත අයියා ඇතුලු පිරිස රැගත් බසය බනියා හා පොඩි මෑන්ද රැගෙන පැමිණ අපිද සමගම රූමස්සලට ටොප් ගියර් එක දැමීය.

බස් එකේදි කොළඹ සිට අධි වේගයේ පැමිණි අභීත අයියා, වෙනිවැල් අන්කල්,සිංහයා,සිහින(තිසර),මගේ මරණය,රංග,සෝඩා  ගුණේ(පස්සෙ බලද්දි අපේ පැත්තේ පොරක්නේ),ගෝල්ඩ් පිෂ්(හෙවත් අයිස් මාලුවා),පැණි දොඩම් ඇතුලු පිරිස හඳුනා ගැනීම ඉතා රසබර විය.

 පසුව ඉතා කටුක එහෙත් ස්වාභාවික මාර්ගය දිගේ දිගු දුරක් ගෙවා රූමස්සල සොඳුරු මුහුදු තීරයට අවතීර්ණ වුනු අතර රංග අයියා ඇතුලු පිරිස සුපිරි විනෝදයකට එහිදී ඉඩකඩ ලබාගත්හ.(අවසන එයම සුපිරිම වී ගියහ)

ඒ අතරතුර වෙරලේ සිරි නරඹමින් ඡායාරූප ගනිමින් විවිධ විකාර කරමින් අපේ පිරිස සතුට බෙදාගන්නට විය. මුහුද දැක නැති පිරිස් මුහුදේ ගැඹුර බැලීමද, කාලයකින් නොනෑ පිරිස නෑමද කුණු ඇතිල්ලීමද සිදුවිය. පසුව තිසර මල්ලීගේ ගිටාරයේ නාදයට සො ඳුරු ගීත ගණනාවක්ම ගුවනට මුසුවිය. පුරුදු පරිදි හිම හංසිගේ අඩෝවැඩියාවට හා ප්‍රාර්ථනාගේ දත්මිටි කෑමත්, චිරාන්,යසින්ත,නලින්,රෙප් මහත්තයා වැන්නන්ගේ විකාර ඈනුම් ඇරීම් නිසා දහවල් කෑම ගෙන ඒමද ඉක්මන් විය.

දහවල් කෑම ගන්නා අතරේ මගදී පමාවුණු රාජ් අයියා ඇතුලු පිරිස සංක්‍රමණය වීමෙන් පිරිස සම්පූර්ණ විය. රාජ් අයියා බොංගෝව සමගින් සිටි අතර ඒ සමග නිරිඇල්ල අයියා,වර්ණා අක්කා,හසී අක්කා,සඳකිදුරා,පවිත්‍ර,නාකියා(බොහොදුරක් ගෙවා රජරට සිට පැමිණ),පවනි තරංගා(තීක්ෂණ) වැනි බොහෝ දෙනෙක් විය. ඒ සියල්ල හඳුනාගෙන විවිද හිතමිතුරු කම් වර්ධනය කරගත්හ.

                                                මේ ලෙඩේට කියන නම කවුරුවත් දන්නවද?

                                                               සුපිරි වින්දනය

                                                සිහනයාගේ ගිටාරය ටියුන් වීම පමණක් විය

ඉතින් සොඳුරු අත්දැකීම් රැසක් අවසානයේදී පොඩි මෑන් හැමෝටම මේ අවස්ථාවේ තුති පුදමින් අරමුණ පැහැදිලි කලා.ඒ වගේම යලිත් හමුවෙන්න පොරොන්දු වුණා. අභීත අයියා කතාකරමින් බ්ලොග් ප්‍රවීනයන් වශයෙන් පැමිණි මාතලන් අයියා සහ මගේ මරණය ගැන මතක් කලා ඒ වගේම ඉදිරියට අභියෝගයක් ලෙසින් ඉදිරිපත් කරන “සයිබර් සිහින උලෙල“ ගැනත් කතා කරා.

යලිත් සයිබර් සිහින උලෙලේදී හමුවෙන බලාපොරොත්තුවෙන් සියල්ලන්ම විසිරී යන්නට තීරණේ කලේ ඉර බැහැගෙන යන වෙලාවට. රූමස්සලට සමුදුන්නේ හැමෝම හිතේ දුකක් තියාගෙන බව නොරහසක්.කවුරුහරි ගැන හෝ සුවිශේෂී සිදුවීමක් ගැන සඳහන් කරන්න අමතක වුනානම් එයට සමාව ඉල්ලා සිටිනවා...

 මිතුරනේ නුඹලාගේ හමුවීම ඇත්තෙන්ම හිත මහා ප්‍රීතියකින් පුරවන්නක් වුනා..ඉක්මණින්ම නැවත හමුවෙමු..