කාන්තාව සහ අරක්කු බෝතලය..

මත්පැන සහ මත් භාවිතය එකහෙලාම ප්‍රති ක්ෂේප කරන නමුත් කාන්තාව හා අරක්කු බෝතලය ගැන පුංචි අදහසක් ඉදිරිපත් කරන්න හිතුවේ රසවත් අදහසක් පමණක්ම විදියට බාරගන්න කියන කාරුණික ඉල්ලීම ත් කරන ගමන්මයි. මේ මාතෘකාව කතාවුනේ සිංහල බ්ලොග්කරුවන් පසුගිය දිනක ගාල්ල රූමස්සලට එකතුවුන දවසේ. මේ කතාවට සම්බන්ධ වුනු කීප දෙනෙක් හිටියා. ඒ අතර ලිෂාන් අයියා, රංග අයියා, සිංහයා,රෙප් මහත්තයා,චිරාන් ලඟ පාත හිටියා වගේ මතකයක් තියෙනවා. කොහොම වුනත් මට මතක කතාව විතරයි. මේ කතාවේ සාරය වුනේ කාන්තාව හා අර ක්කු බෝතලය අතර තියන සම්බන්ධතාවය පිළිබඳවයි.ඇත්තටම ඒ අදහස ඇහුනම මටත් හිතුනා කොච්චර සමානකම්ක තියනවද කියලා.

පලමුවැන්නා - ඇය උඹ තාම බඳින අදහසක් නැද්ද?

දෙවැන්නා - නෑ බං..අපොයි ඔය ගෑණු ලංකරගත්තාම හරි අමාරුයි..

තෙවැන්නා - සහතික ඇත්ත බන් ඒ කතාව..ඊට වඩා දාහකින් සැපයි මේ බෝතලේ..(අතේ තිබෙන ජින් බෝතලය පෙන්නමින්)

පලමුවැන්නා - ඒ මොකක්ද බොල ඒ කතවා..

තෙවැන්නා - ඇය බං බලපං ගෑනියෙකුයි බෝතලේකුයි කොච්චර සමානද කියලා.. ගෑනියෙක් ලඟට එන්නෙත් සල්ලි තිබුණම..බෝතලයක් අතට එන්නෙත් එහෙමයි..

(හිනා හඬ නැගෙයි)

පලමුවැන්නා - ඒක ඇත්ත..ඇයි ගෑනියෙක් ලඟට ආවත් ඔලුව ඉවරයි..බෝතලේ ලඟට ආවත් ඔලුව ඉවරයි..

දෙවැන්නා - ඇයි බං..ටිකක් වැඩියෙන් පාවිච්චි කලොත් ඔය දෙකම අප්සට් වෙනවා..

(හිනා හඬ වැඩිවෙයි)

තෙවැන්නා - ඒත් බං එක වෙනසක් තියනවා ඔය දෙකේ..ඒක තමයි වැදගත්ම දේ..

පලමුවැන්නා - ඒ මොකක්ද බන් ඒ..

තෙවැන්නා - ගෑනියෙක් ලඟ ඉන්නකොට අරකටයි මේකටයි හැමදේටම කෑ ගහනවා..අරක එපා කියනවා මේක එපා කියනවා..ඒත් බෝතලේ එහෙම නෑ..

දෙවැන්නා - සිරා කතාව බොල..

(සියල්ල සිනාසෙමින් කතාව පිලිගනියි)

ඔන්න ඔහොමයි කාන්තාව හා අරක්කු බෝතලය සමාන කලේ අපේ කට්ටිය. කොහොම වුනත් මේ දෙකේම දුරවලකම් තියනවා වගේම කාන්තාව කියන සංකල්පය ලෝකයේ උත්තම සංකල්පයක් විදියට පිලිගන්න සමාජයක් අදටත් ඉතිරිවෙලා තියනවා. මත්පැන කියන දෙය කොතරම් ඉහලින් වැජඹුනත් එය අහිතකර දෙයක් වගේම බොහොමයක් ගැටළු වලට හේතුවක් වෙන දෙයක්. ඒක නිසා මේ අදහස හුදෙක් විනෝදය සඳහා පමණක් යොදාගැනීම වඩාත් සුදුසුයි.