සඳ තවම එතනමයි
එදා ලෙස වටකුරුව
හිරු තවම එතනමයි
එදාලෙස පියකරුව
තණපියස එලෙසින්ම
දළු දමා වැඩී ඇත
සුදු පරවි රෑන්විත්
පෙරලෙසම සක්මනය
සුදුමල් පාවීවිත්
ගංදියට ඇදවැටෙන
සොඳුරු දසුනක් පෙනෙයි
එලෙසින්ම එකලෙසම
සුළං රළ ඇදීයන
ගංතෙරේ සිසිල මැද
ගංදියට තනිරකින
තුරුපෙලද තවම ඇත
වෙනසක් කියා නැත
දැනෙන්නේ උනුන් හට
වෙනසකට යමක් වෙත්
ගංතෙරේ මං තනිව
ඔබ නොමැති පාළුවෙන්
No comments:
Post a Comment